منتديات اسـير الـروح
هلا و مرحبا بكم في منتديات اســــير الــــروح
تفضلوا معنا وسط اسرتنا المتواضعه و لا تنسون تسجلون معنا
وترى الرساله هذي وراكم وراكم زي ماتقولون نشبه في حلقكم

منتديات اسـير الـروح


 
الرئيسيةالبوابةس .و .جالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
أفضل 10 أعضاء في هذا المنتدى
شروق الامل
 
نور الزكية
 
زهرة العبير
 
أم جنان
 
عاشقة الورد
 
موج الغلا
 
عاشقة الشيخ الاكرف
 
ابو عبدالله
 
يقولون لي قشطة
 
وسام
 
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 23 بتاريخ 2/20/2013, 02:28
منتدى

شاطر | 
 

 قصة حب من العصر الحجري .....ادخل وش تستنى ؟؟

اذهب الى الأسفل 
كاتب الموضوعرسالة
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: قصة حب من العصر الحجري .....ادخل وش تستنى ؟؟   1/18/2009, 21:08

بسم الله الرحمن الرحيم


السلام عليكم ورحمة الله وبركاته ...................

شوفوا هالقصه من تأليفي اني واختي .....لا تحرموني من ردودكم





عائلةابو فوزي

1 أبطال القصة

-الابو عبد الله بينه وبين القبر شعرة

-الام نجمة عظامها ذايبة من كبر سنها

-الولد الكبير فوزي عمره 26سنة يشتغل بالمجاري لأن هوايته من الصغر تجميع الصراصير - البنت الكبيرة بلقيس حلوة وشعرها طويل ودايماً تخليه قراعين وتحط شرايط من تحت.عمرها 19 بس مادخلت المدرسة لأنها دايماً تبوق فلوس البنات ومن بعد اسبوع طردوها.

البنت الصغيرة واسمها فتحية وهي دلوعة ابوها ودايماً يدلعها ويسميها غمضية.عمرها 14

العايلة الثانية عايلة بو شاهين وهم جيران بوفوزي

بوشاهين واسمه مطلق ويوم هو صغير كانوا اليهال يعايرونه مدفع لانه كان دايم يطلق مدافع > تفهمون شنو اقصد <

ام شاهين اسمها خديجة مرة طيبة وعلى نياتها.

شاهين الولد الكبير عمره 25ويشتغل صفاط بسوق السمك ومأدي العمارة بريحته الخاإأإأإأإأإأيسة.

الولد الثاني اسمه مبارك وعمره 19سنه للحين يدرس بالمتوسط وآمال اهله معلقة فيه لانه الوحيد اللي وصل للمرحلة المتوسطة عشان كذا طلباته دائما مجابة

مرزوقة وهي البنت الكبيرة عمرها 18وتدرس ابتدائي محو امية ولاهي فالحة

هيلة البنت الثانية سماها ابوها على اسم جدها وعمرها 15.

العايلة الثالثة عايلة بو سعد وهم بيت خال بوفوزي .

الاب اسمه لبيب يحب اولاده لكن ماله كلمة بينهم > يعني طوفة هبيطة<

الام فايزة طيبة وحبوبة لكن عندها مشكلة الصمخ فصاروا اولادها مايسولفون معاها فصارت تقعد بروحها وايد مما سبب لها الجنون والخرف.

صالحة البنت الكبيرة متزوجة من ولد جيرانهم مروان وعايشة قريب من بيت اهلها وكل يوم طابة عليهم

سعد الولد الكبير عمره 28وفاك خطوبة لانه كل يوم يبنقح عند مرته فما استحملت وصابها الجنون ودوها مستشفى المجانين

سهان>مش سهام مسكينة غلطوا في التابعية عند تسجيل اسمها وبدلوا في الميم<عمرها 18س
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:09

الجزء الاول.

في بيت ابو فوزي .........

بلقيس قاعدة تقرمل شعرها وفجأة تشم ريحة قوية

بلقيس: ماتشمون ريحة عفنة

فتحية: يعني منو غير اخوش اللي تطلع منه هالريحة والله ان حتى القردة ماتطلع منهم هالريحة

وما كملت كلامها الا بدخلت اخوها ويرمي روحه على الكنبة

فوزي : وي والله اليوم تعبت وايد كل من هالصرصورة اللي ولدت بيض وكلهم فقسوا اليوم .

بلقيس : ويع لوعت جبودنا الله يلوع جبدك

وفجأة يرن بيجر بلقيس برقم صاحبتها بنت جيرانهم مرزوقة وقامت ودقت عليها من تلفون البيت>طبعاً هالتلفون قدييييييم من قبل الغزو ويوم صاحي والف لا<

مرزوقه:الو.

بلقيس:هلا مرزوقة كيفش

مرزوقة: نشقح وانتوا؟

بلقيس: نشقح معاكم هههههه>ياثقل دمها<بسألش شنو تمبي

مرزوقة: لا بس امي عازمتكم على عشا باجر

بلقيس والفرحة شاقة حلجها : الله اول مرة احد يعزمنا>صفاعة<

مرزوقة:حتى احنا اول مرة نعزم والا احنا دايم نعزم نفسنا>قمة الخبالة<وتراها اول مرة وآخر مرة مافينا شدة على الخساير.

بلقيس: وشنو سبب هالمناسبة؟

مرزوقة : لابس اخوي مصفط طشت سمج وصار عنده فلوس زايدة قلنا نصرفهم عليكم.

بلقيس فرحت يوم جابوا طاري شاهين لانها تحبه ولا تدري انه مايطيق ريحتها ويرجع ادا سمع اسمها: خلاص انا اليوم بخبر امي وبكرة على الفجر احنا طابين

مرزوقة في نفسها وف والله بلشة الله يعيننا

ومن غير نفس : حياكم الله.مع السلامة وما انتظرت الرد على طول سكرت الخط في ويهها>قلة حيا<

بلقيس تصارخ وطالعة بلاعيم حلجها : يـــــــــــــــمـــــــــــــــه جهزي نفسج حق طلعة بكرة

الام سمعت الخبر وطارت من الوناسة: ليش بكرة العيد وحنا ماندري>مايطلعون الا بالاعياد ويالله بعد تدروا فيهم شياب مايقدرون على الطلعة <

بلقيس: لاهدا احلى من العيد لانه فيه اكل احنا معزومين على عشا في بيت الجيران بس هم قالوا تعالوا من الفجر<جدابة>

الام : وش يودينا من الصبح خليها العصر

بلقيس: خلاص آنا باروح من الفجر

...................................................................

في بيت بو شاهين.....

مرزوقة:يمه الجيران بجوا لينا من الفجر

ام شاهين بعصبية: انتي شنو قلتي لهم ها

مرزوقة: والله قلت لهم بس على العشا وهي قالت من الفجر انا عندكم.

ام شاهين: والله ان جوا من الصبح الا انتي الا جابليهم .

شاهين: منو هدا اللي بجي من الصبح؟

مرزوقة: بيت جيرانا

شاهين: لايكون ام الاسنان الذهبية<يقصد بلقيس لان اسنانها كلهم صفران مثل الكركم >

مرزوقة : أي هدولا هم

شاهين: عيل بكرة اهج من الصبح

.............................................................................

عايلة بوسعد......

سهان كانت رايحة الصالة تبي تشاهد شوي ولقت اخوها سعد يبنقح كعادته

سهان: شنو فيك بعد؟ضايعة جزمتك ولاتبي فلوس؟<سعد مايشتغل لانه كل مايشتغل بشغله فنشوه بنفس الساعة بسبب صياحه المزعج>

سعد من بين دموعه:لابس بطله الفلم مريضة الله يعافيها الظاهر قريب بتموت<هي لابتموت ولا شي بس متزكمة شوي>

سهان: يعللك الموت انت وياهاقول آمين

سعد زاد صياحه واااااااااح واااااااح<ماكأنه عمره28>وبدأ يتعفر بالارض<هدي حالته من يوم هو صغيروالاطباء شخصوا حالته على انه معاه انفصام في الشخصية لان عنده شخصيتين وحده الصياح والثانية بتضهر في أثناء القصة>

سهان لاعت جبدها وراحت فوق.......

.........................................................

الفجر الساعة ثلاث....

في بيت ابو فوزي

بلقيس قامت من النوم بعد ما طفت المنبه وغسلت وجهها بماي بس <تغسل وجهها بماي بس في المناسبات ولا طول الايام بدون على طول للمطبخ>

لبست عباتها الراس بدون لفة او حجاب وطبعاً العباه مرتفعة شوي بسبب كشتها < العباه هدية من جدة جدة جدة امها وتوارثوها لحد ماوصلت لبلقيس طبعاً بعد المناجر ولهواش>

وصلت لشقة بيت جيرانهم ودقت الجرس<بدون ماتشيل يدها من الجرس > طبعاً اللي قعد شاهين لان راسه خفيف وأول مافتح الباب اغمي عليه من الخرعة لان نفس الجني اللي شافه بالمنام.

بلقيس على طول راحت تنبه مرزوقة ومرزوقة كانت نايمة واول مافتحت عينها شهقت على بالها الجاثوم جاي لها وحست ان روحها بتطلع منها بس تدكرت انها بنت جيرانهم وقامت على طول وقالت: اللهم سكنهم في مساكنهم.

بلقيس: قومي اخوش فتح لي الباب واغمي عليه مادري شفيه كأنه شايف جني.

مرزوقة تقول في نفسها والله ما لومه وراحت لاخوها وشافت وجهه مختلع وبعده مايوتعي.فراحت تجيب له ماي بارد

بلقيس تعرف طريقة لتوعية الفاقد وعيه بس عمرها ماجربتها وقالت فرصة من السما<طبعاً الطريقة انها تشممه ريحة قوية مثل البصل او الثوم او العطر بس هي عندها اللي اقوى منهم كلهم >وقامت ونفخت في وجهه وهو شم الريحة واوتعى بس اول ماشاف وجهها رد واغمي عليه.

وجت مرزوقة وعندها ماي باااااااااااااارد وفيه قطع ثلج < خبلة ما شالتهم>وقامت وكبته من بعيد وقام وهو يصرخ من الالم والبرد

طبعاً بلقيس راحت بعيد عنه ماتقدر تشوفه مغمي عليه مرة ثالثة بسببها < تحبه>

شاهين:خبلة انتي ترمين عليّ ماي بارد في عز الشتا ولا معاه قطع ثلج قطعوش وصلة وصلة قولي آمين

مرزوقة:هدي جزاتي يااسود الوجه كابّه عليك ماي عشان توتعي

شاهين : انتي لو شفتي اللي انا شفته كان متي من زمان

مرزوقة : شفت اللي شفته لكن مامت

شاهين قام يروح يكمل نومه مع انه مايظن انه بجيه نوم ابد

بلقيس حست بالاهانة وزعلت شوي وقالت كل مني زعلته خلاص مالي قعده هني: مرزوقة باروح بيتنا خلاص

مرزوقة: ليش بعد ما وعيتينا بتروحي

بلقيس: لاباجي في وقت ثاني احس جيتي غلط < توها حاسة>

مرزوقة : يعني متى بتجي ؟ الليلة؟

بلقيس: لاوشو الليلة باجي الظهر< مافادها الدرس>

مرزوقة: على راحتش< بغتها من الله>
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:17

في بيت بوسعد

سعد واعي من الساعة 10 وغسل وراح المطبخ يفطر ولقى امه تسوي الفطور

سعد: صباح الخير لأحلى ام بالدنيا<شخصيته الثانية>

طبعاً الام ماسمعته بس توقعت انه يصبح عليها فردت: هلا بولدي اقعد افطر

سعد: انشالله .

سهان نزلت تفطر لقت اخوها يفطر وهو ساكت معناته انه اليوم الشخصية الثانية وهي تحب اخوها في هالشخصية

سهان: صباح الخير لاحلى اثنين

سعد يبتسم : صباح النور

وتموا يفطروا وهم يسولفوا شوي < بس سهان وسعد ولا الام ماتسمع شي>

سهان تكتب لامها كلام والام تقراه وتقول: تبين تروحين بيت عمتش؟

سهان تهز راسها بأي

الام: منو بوديش؟

سهان تأشر على سعد

الام : انزين بس لاتطولين

سهان : انشالله

سعد: متى تبيني اوديش؟

سهان: على الساعة 4

سعد: 4 تكوني خالصة.

........................................................................

على الساعة1 الظهر ام فوزي راحت للجيران مع فتحية بس بلقيس ماراحت معاهم لان اللي صار اليوم خلاها تحس بنفسها شوي وقالت لامها انها بتروح الكوافير اتسوي شعرها

بلقيس بينها وبين نفسها الا اخليه يموت فيني

وراحت بلقيس الكوافير اللي جنب العمارة واخدوا على شعرها ساعتين ورجعت البيت وبدت اتحط مكياج خفيف لوجهها

.............................................

في هالاثناء سعد وسهان راحو السيارة وعلى طول للعمارة وسعد نزل معاها يبي يسلم على عمته لانه من زمان ما شافها ودقوا الجرس بس محد يرد..............

بلقيس كانت مخلصة وتناظر روحها في المراية وصايرة حلوووة حتى هي ماعرفت نفسها طبعاًَ حطت ليها عطر من اخوها ونظفت اسنانها وصاروا يلمعون ................

سمعت صوت الجرس وكان على بالها انها اختها وعلى طول فتحت الباب وشافت سهان بس ماانتبهت للي جنبها وقالت: سهان!

سعد اول ماشافها قام يناظرها بس بعدين نزل راسه<مؤدب>. بلقيس انتبهت الى سعد وقامت انخشت ورا الباب

سهان دخلت وقالت لاخوها يروح

سهان وهي متعجبه : بلقيس وش هالجمال والله ماعرفتج.

بلقيس:أي حسيت ان احد بجي وقلت اعدل نفسي< جدابة>

سهان: الا وين عمتي؟ سعد كان يبي يسلم عليها

بلقيس:يعني هدا سعد؟ والله وصار ريال

سهان: من عمرنا بعد ماشيب راس امي

بلقيس:ليش؟

سهان تغير الموضوع : لا ولاشي... وين فتحية وعمتي؟

بلقيس: هم معزومين في بيت الجيران

سهان:وانتي ليش ما رحتي؟

بلقيس:قلت اول اتكشخ شوي

سهان بنظرة: تقولين حسيتي ان احد بجي عشان كدا اتعدلتي!

بلقيس :ههههههههه <ماتعرف شنو ترد انفضحت>ماعليه خلينا نروح لهم

سهان:لا فشيلة والله

بلقيس:لافشيلة ولا شي

وتقوم تسحبها من يدها وتروح للجيران بعد ما لبست عباتها بطريقة مرتبة......

دخلوا بيت الجيران وسهان سلمت عليهم وتموا يسولفوا لين العشا

وطبعاً انتبهوا لبلقيس بس ماحد علق على شكلها مما خلاها تغلي من الداخل.

سهان دق عليها سعد وخبرها انه عند الباب وسلمت عليهم واخدت رقم مرزوقة ونزلت للسيارة .

وهي في السيارة :

سعد: ستانستي معاهم؟

سهان:أي وايد والله

سعد بتردد:منو اللي فتح الباب ؟

سهان بكل غباء:باب السيارة؟ اني فتحته.

سعد:ياخبلة اقصد باب الشقة منو اللي فتحه؟

سهان : آها يعني الشغالة اكيد بلقيس

سعد: ماعرفتها صايرة غيييييييير

سهان:تصدق حتى انا ماعرفتها ماادري شاللي غيرها بعدين من وين انت شفتها عشان صايرة غير؟

سعد: لابس ادكرها من يوم احنا صغار كان شعرها دايم كشة واسنانها كانت نصهم طايحة والنص الثاني مسوس مع انها ماكانت تاكل حلاوة ماادري من وين طاحت .

سهان: أي والله ..............................

.......................................................................

في بيت ابوشاهين

مرزوقة:والله حلوة هالجلسة ياليت تتكرر مرة ثانية

بلقيس:لاهالمرة علينا العزومة شرايكم يوم الخميس هدا ؟

ام فوزي يوم سمعت هالكلام قامت وقرصت بلقيس في فخدها <تدروا شي فيه فلوس ماتقدر عليه>

بلقيس: أي أي آه آه

مرزوقة: شفيش تصارخين؟

بلقيس: لااقول ها ها يعني شردكم؟

مرزوقة تطالع في امها : على خير انشاءلله

بلقيس: عاد مو تجوا من الصبح مثل صديقتي مرة عزمت ناس على غدا وجوا لهم من الصبح صج ناس ماتعرف الذوق<قولي لنفسج بالاول>

هيلة:يعني متى نجي ليكم؟

بلقيس:على الساعة4

هيلة: العصر؟

بلقيس: اكيد. يعني الصبح ؟منو هدا اللي يسويها؟<ناسية حالها>

فتحية: نروح يمه؟

ام فوزي : أي والله تعبانة خلينا نمشي فتحية

وتقوم فتحية تدف امها بالكرسي<عجوز منتهية>وتفحط بها شوي فتحية:يمين.. يسار.. اسبح ياللا يمه ايدج اسبح ..<والأم على نياتها تحرك يدها كأنهاتسبح> تنقز. تنقز.وااااافتـــــــــــــــررررررررر<وتفرها في الممر>وتفتر العجوز وفجأة ماتتحرك وكأنها نشفت

فتحية خافت على امها:يمة وش فيش؟جمدتي مرة وحدة

الام تشاهق هاااااا هاآآآآآآآآآآ <مثل لحمار وانتوا بالكرامة>

فتحية تنادي على بلقيس بصوت عالي بس بلقيس ماكانت تسمع وفجأة يجي واحد وهو يدندن طبعاً هو مبارك

اول ما شاف المنظر وقف متحير كانت في بنت تبكي ومعاها مرة عجوز

مبارك: خير اختي في شي؟

فتحية: امي مادري شفيها فجأة يبست

مبارك راح للعجوز وسألها:خالتي وين يعورج؟

العجوز تأشر على ظهرها

مبارك: هدا شد عضل ما فيها الا العافية خلينا نوديها وين شقتكم؟

فتحية تأشر على الدار اللي بالاخير:هدي هي بس مااقدر ادفها اخاف تتعور اكثر

مبارك يطالع الدار:اخوش فوزي ؟

فتحية تطالعه بنظرة: والله انك فاضي اقول لك كيف اندخل امي ماتفهم؟

مبارك يبتسم:اسألها بالاول ادا تقدر

وراح قعد جنبها:خالتي تقدرين تتحركين شوي ولا نوديج الطبيب؟

العجوز بتعب:لامايحتاج. دخلوني الدار ارتاح شوي

وقام مبارك ودخل العجوز لغرفتها بعد ماتأكد ان البيت مافيه احد.ورجع لبيتهم.

بلقيس طالعة من الدار وهي تغني هيلة يارمانة الحلوة زعلانة

فتحية: رمان وهيل يوقفون بحلقش انشالله من ساعة اناديج وين كنتي؟

بلقيس: كنت ابدل ملابسي خير؟

فتحية: امش يبست علينا من شوي

بلقيس:وش اللي خلاها تيبس؟

فتحية تحيرت شنو تقول اقول لها كنت اغني وامش كانت ترقص مابتصدقني:بدون سبب كدا فجأة قامت تشاهق مثل لحمارة والله حتى انا على بالي حمار راكب الدرج.

بلقيس: ما لحمارة الا انتي .وينها الحين؟

فتحية:نايمة نامت عليها طوفة < على بالها انها دعوة زينة يعني مثل نامت عليها العافية>

بلقيس: الله يسمع منش<حتى الكبيرة مي فاهمة الدعوة.ماقلت لكم عايلة منتهية>

......................................................
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:21

مبارك داخل الدار وهو سرحان باللي شافه من شوي..



أم شاهين:مبارك!شفيك تدخل الدار من دون ماتسلم؟

مرزوقة:ايه من قده عنده شهادة متوسطة.

مبارك:لامتكبر ولاشي بس من شوي أم فوزي قام يطلع منها صوت مثل نهيق الحمير

مرزوقة:يمكن جني داخلها..مادري احس جدي.

مبارك: جني يدخلش ..مافيها شي بس جاها شد عضل في ظهرها

ام فوزي : غلطان هي من شوي كانت عدنا مافيها الا العافية مثل لحمار<قصدها مثل لحصان>

مبارك:لامتأكد انها هي كانت معاها وحدة صغيرة شوي الظاهر انها اخت فوزي

مرزوقة: أي هدي فتحية بنتها

مبارك:يمكن..يمه مافي عشا جوعان

ام شاهين: أي عشا حتى احنا ما تعشينا كله كلوه الجيران ماكنهم ماكلين من قبل

مبارك: عليهم بالعافية..ياللا انا بدخل الدار...

........................................................

في بيت ابو سعد العيلة متجمعة

صالحة:أي يمه اقولش شكلها والله يلوع الجبد كيف خطبها مادري مافيها حلاة<من حلاتش انتي يعني حتى الجني يقول الحمد لله>

ام سعد تهز راسها لأنها ماتسمع شي بس ماتقدر تقول شي لبنتها لأن لوما صالحة تقرقر عندها كل يوم كان من زمان طقت راسها بالجدار..

وفجأة يرن جوال صالحة<افخم جوال بالعايلة حتى هي تفتخر فيه "نوكيا الاول" اكيد ماتعرفونه من قدامته سامحوني ادا طلع من الشاشة غبار>

صالحة تحاول ترد بس الحبة اللي ترد على الاتصال دايم خربانة

وبعد طول عناء:ويه هاااا شتبي<زوجها >

مروان:وينش فيه؟والا مايحتاج اسأل اكيد في بيت اهلش تحشين في خلق الله.

صالحة:ومادام انك تدري يعني شحقة متصل فيني؟

مروان: ابي اعرف مو الصبح كنتي عندهم ليش رجعتي بيتهم؟

صالحة:الصبح غير والحين غير.. اشتقت لهم..

مروان: رجعي البيت ابيش في سالفة

صالحة:قولها هني

مروان: ما اقدر لازم وجهاً لوجه."يقول في نفسه ...مع اني أسَمي اذا شفتش"

صالحة: نزين دقايق واكون عندك ووووووووففففففففففففففف

مروان سكر عنها بعد ما ألمته اذونه من وشة التلفون بسبب تنفسها فيه.....

صالحة :أي يمة خليني اكمل السوالف<ماكأن زوجها من شوي مكلمنها>أي هي شرطت يجيبون لها خدامتين ..تصوري يعني الحين مو وحدة تكفي؟

الام تهز راسها بأي <على نياتها>

صالحة:لا والمشكلة ان زوجها موافق على هالشي..

وعلى طاري الزوج تدكرت صالحة زوجها انه يبيها

صالحة: اوووووووه نسيت يمة لازم اروح مروان يبيني يالا اشوفش على خير< وين يجي الخير مع ويهها>

ام سعد راحت المطبخ تجيب لها حبوب وجع راس من صالحة بعد ماعورها راسها من صدعة صالحة وتقول في نفسها مابغت تطلع...

................................................................................................

على الساعة3ونصف جوا بيت ام شاهين وبلقيس تضايقت شوي لانهم جوا متقدمين عن الموعد بربع ساعة..

ام فوزي :ياحيّ الله من جانا <تحسنت صحتها >

ام شاهين: الله يحييش ويخليش. الا وين ابو فوزي مانشوفه هالأيام تو ابو شاهين يسأل عنه.

بلقيس بحزن مصطنع: ابوي ادعيله بالرحمة

مرزوقة بشهقة:مااااااااااااات؟

بلقيس:وشو اللي مات فال الله ولا فالش

مرزوقة: انتي اللي تقولين ادعيله بالرحمة

بلقيس: أي بالرحمة يعني الصحة والعافية<مافي أمل.هو وين والصحة وين>

ام شاهين:الله يعافيه

مرزوقة: ياليت تتصلين على سهان والله اشتقت لها

بلقيس: والله فكرة

وتقوم تتصل على بيت خالها

ويرن ويرن

سعد: الو

بلقيس خافت لانه كان يصيح بقوة:الو وين سهان؟

سعد راح بدون مايتكلم لان دموعه كافية...

سهان: الو ..منو معاي

بلقيس: هلا سهونة ..صاير عندكم شي؟

سهان: لاماصاير شي ..ليش تسألين؟

بلقيس: لان اللي رفع السماعة كان يبكي بقوة وصوته يدل على انه رجال مو صغير.

سهان ماعرفت شتقول اكيد عرفت انه سعد: هدا سعد يصيح لان صديقه متوفي اليوم

بلقيس تأثرت:الله يرحمه.ولد منو؟

سهان تورطت:ولد الـــ ... الــ... أي ولد المدفع..

بلقيس: اه طيب مرزوقة عندنا اليوم شرايج تجين بيتنا؟

سهان تناظر حال اخوها وتقول في نفسها مافي أي امل : والله ما اقدر ماعندي احد يجيبني

بلقيس: اووه خسارة والله...اوكي باي..طوط طوط

سهان تقول : بل ماصدقت على الله..
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:23

مرزوقة: ها بتجي؟

بلقيس: لا ماعندها احد يجيبها

ام فوزي : وليش سعد مايجيبها؟

بلقيس: سعد اليوم توفى صاحبه ..كان يصيح بقوة

ام فوزي : من ولده؟

بلقيس: ولد المدفع..

مرزوقة تساسر امها: لايكون ينسب لنا..

ام شاهين: وش دخلنا فيه؟

مرزوقة: مو ابوي كانوا يسمونه مدفع يوم كان صغير..

ام شاهين تصرخ في بنتها:قص بلسانج.. هدا ابوج تقولين جدي..

مرزوقة بندم: والله الناس اللي قالت مو انا..

في هاللحظة قامت بلقيس مع فتحية يجهزون اكل للضيوف < يعرفون الاصول>

ويوم جابوا الاكل والمكسرات والشيبسات على طول هيلة ومرزوقة نطوا عالاكل كأنهم ماشافوا خير ..

وهيلة تخش شوية حب في مخباتها لدرجة ان مخابيها امتلت فقامت تعبي في ادلاغاتها

بعدين ام فوزي قامت تجيب البخوروبلقيس وفتحية يساعدوها فظلوا مرزوقة وهيلة وام شاهين

ام شاهين: لاتخلون ولا حاجة مثل ماسووا بالضبط

هيلة بعد ما خلص الحب قامت تلحس في الصحن.ومرزوقة قامت تاكل في المكسرات لكن وهي تاكل جاها وجع بطن <المكسرات منتهية مدتها من 6 سنين بس محفوظة في الفريز>

اما الشيبسات فكانت عبارة عن ربيان نسمة بايت من ناصفة سنة1420هـ وفي نوع ربيان ثاني البطل على كاتشاب بس مع مرور الايام صار على طماطم من ولادة فتحية..

اما الفواكه والخضروات فحدث ولاحرج خيار ملوي اصفر مايل من قدامته مثل العسقة

التفاح يطلع منه الدود ويدخل ..والخوخ مافيه الا الطعامة لان الغلاف يبس ..

الموز ..اسود من سواد عنتر..

بعد ماخلصت بلقيس جت تبي تقعد معاهم لقت هيلة قاعدة تلحس الصحن ومن شافت بلقيس سوت روحها تنظف الصحن..

بلقيس فتحت عينها عالآخر كانت الصحون فاضية بعدها جلست بلقيس على الكنب ومن الصدمه ظلت ساكته بعده جت ام فوزي وفي ايدها البخور وهي مستغربه بهذه السرعة خلص الاكل ؟

بعد نصف ساعه .....

ام شاهين : يلا مرزوقه وهيله خلينا نمشي

هيله تكلم امها في اذنها : يمه خلينا نتظر العشاء

ام شاهين : على بالش احنا قاعدين عند حاتم الطائي قومي بس خلصينا

طلعت ام شاهين وبناتها عن بيت جيرانهم

ام فوزي : فتحية يمه جيبي المخمه السوريه

فتحية كانت خايفه ان امها تضربها : ليش يمه ؟

ام فوزي : ابغى اكنس الصاله

راحت فتحية وجابت المخمه السوريه وعطتها امها

انقضت ام فوزي على بلقيس بالضرب

ام فوزي : مو انا موصيتنك ماتعزمين الناس على بيتنا مو كفايه خساير

بلقيس : اااااااااااااي ااااااااه خلاص يمه اااااااااااااااه اااااااااااااي

ام فوزي : شوفي الاكل والمكسرات اللي خزنتهم للخطاب اللي بجون لك كلهم بلعوهم الحين بذمتك اذا جوك خطاب ويش احط ليهم

وانهالت عليها بالضرب المبرح لكن ابوها انقدها بصوته

ابو فوزي : ام فوزي تعالي دلكي ظهري

ام فوزي فتحية تعالي وصليني لغرفة ابوش ادلكه

فتحية: انشالله....وراحت فتحية تدف امها لعند غرفة ابوها لقته كالعادة منسدح على بطنه <اصلا عمره ماتحرك من مكانه>

ابو فوزي:دلكيني في هذي المنطقة<يأشر على ظهره>بس شوي شوي لا تعوريني!

ام فوزي: فتحية دفيني بالكرسي على ظهر ابوش بأقصى قوتش....وتقوم فتحية ترجع على ورا لين آخر الصالة وتركض بسرعة 80كم في الساعة لحد ما وصلت عند ظهر ابوها وداست عليه بالكرسي

ام فوزي:ارجعي لورى بعد....وتعالي قدام .......لورى...قدام شوي..

وفجأة وهم يدوسون سمعوا صوت فرقعه وقرطعه..

ابو فوزي بشهقة:آآآآآآآآآآآآآي ي ي

فتحية:يمه ابوي شكله مات

ام فوزي: لامات ولاشي ..قطو بسبعة ارواح..شوفي<وتقوم ترفسه>بس ماتحرك

فتحية خافت فقامت تسمع نبضات قلبه :يمه ابوي مافيه نبض

ام فوزي:بعدين بيرجع ..يمزح لاتصدقينه

فتحية:تقولين جدي خلاص خليه يرتاح

وطلعوا عنه وما دروا انه مات من زمان

.............................................................................................



في بيت ابو شاهين......

هيلة: مرزوقوه فتحي الباب محتاجة الحمام

مرزوقة وهي تضغط على روحها:لحظة ماني قادرة وياي سهال شديد

ام شاهين: شفيكم بنات؟

هيلة: بطني يعورني محتاجه للحمام ومرزوقة صار لها ساعة وما طلعت

ام شاهين: روحي المغسل اللي بالمطبخ وانا بغطي عليكي

هيلة: يمه انا كبرت على هالحركات

مرزوقة طلعت وهي دايخة : خدي الحمام بس لاتطولي..بدخله مرة ثانية

هيلة دخلت وهي سادة خشمها من الريحة

.........................................................

اليوم الثاني

بلقيس: الحين الساعة4العصر وابوي ما اوتعى

فتحية وهي تبلع ريقها: انا شاكه بشي

بلقيس: شنو؟

فتحية: ان ابوي مات !

بلقيس:معقوله هالمرة تطلع صج؟خليني اروح لفوزي

فوزي:شنو تبي؟

بلقيس: ابوي مات !

فوزي: قديمه مو اول مرة يموت بعدين بيرجع

بلقيس: لا هالمرة شكلها صج من امس ما اوتعى وما يتحرك يابس كأنه حلاية <سمك يابس >

فوزي راح وهو خايف وقام يهز فيه بس لاحياة لمن تنادي ...قام اتصل في الاسعاف

ولما جو الاسعاف : من متى ابوكم بهاالحالة؟

فوزي : من امس مايتحرك

الاسعاف: هدا ميت من زمان ماشميتوا الريحه؟

فوزي: هو دايم تطلع له هالريحة توقعناها مثل كل مرة

الاسعاف: تعالوا معاي حق الاجراءات

.............................................................

فتحية وهي تصيح :يمه قلت لش ابوي مات صدق ماصدقتيني

ام فوزي: شقالوا الاسعاف؟

فتحيه: يقولوا من امس ميت

ام فوزي تأثرت ماهان عليعا عشرة عمر معاه: الله يرحمه اهىء اهىء<تو الناس >
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:24

سهان وهي تصيح: يمه رجل عمتي مات <نست ان امها ماتسمع>

ام سعد تأشر على اذونها يعني ماتسمع

سهان راحت عند اذون امها وصرخت بكل طاقتها : ابو فوزي توفى

الام تهز راسها : أي ماعليه من عيني هدي قبل هدي

سهان راحت تكتب في ورقه ...ولما الام قرتها صاحت وهي تحضن بنتها

سعد جا وهو مو فاهم السالفة بس حضنهم بعد < رجعت حالته>وجلس يبنقح <يبكي مثل الاطفال>

سهان:سعد انت سمعت بالخبر؟

سعد وهو يبكي بصوت مخنوق: أي خبر؟

سهان: اذا ما سمعت ليش تبكي؟

سعد:خنقتني العبره

سهان: اف هدا وانت ماتدري...ابو فوزي مات

سعد:رجل عمتي؟

سهان: ايه

قام سعد يتعفر بالارض مثل الطفل اذا يبي لعبته : لأ ليش انا بالذات

سهان: وانت شدخلك قول الله يعين اهله

..........................................................

بعد مرور 5شهور

في بيت ابو فوزي<الله يرحمه>

كانوا جالسين يناظروا في ورثهم الوحيد مسوين عليه حلقة

فوزي:شنسوي فيه؟

بلقيس:نبيعه

فتحيه: لأ نحتفظ فيه

الام: انا اقول نبيعه

وظلوا فتره يناظروا فيه هذا ورثهم الوحيد ...

شنو تتوقعون؟

خزنة؟....فلوس؟ ....شركه< لا هذي مستحيل>

الورث كـــــــــــــــــــــــــــــان...















كــــــــــــــــــــــــان















انتظروا الجزء الجديد.........
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:25

الورث كان ضرس ذهب من ايام شباب ابو فوزي ويوم طاح احتفظ فيه لليوم الاسود...كان عبارة عن ضرس كامل وكبيــــــــــــر

.0.......................................................

فوزي: لو سمحت ابي ابيع ذهب

الصايغ: عطني اشوفه

فوزي: تفضل ...طلع من مخباته كلينكس داخله الضرس

الصايغ متعجب:تتمسخر؟ احد يبيع ضرس؟

فوزي: لا هذا اثري وبعدين كله ذهب من الداخل.

اخذه الصايغ يعاين قيمته : بس هذا فيه سوس من الداخل ....واصلا شكله مو ذهب هذا صفار اصلي من صاحبه..الظاهر مايغسل اسنانه؟

فوزي:عاينه زين اقولك ذهب صدقني

الصايغ: اذا منت مصدقني روح لصايغ ثاني بقولك نفس الكلام..

...............................................................................

فتحيه: ها بكم بعته؟ انا اقول ب10آلاف ريال

بلقيس: لا مايجي...ب7 بس

فوزي رمى الضرس عليهم لحد ما انشلع نصفين:هذا مو ذهب هدا صفارة اسنان ابوكم

الام بشهقة: شنو؟....كان رحت لواحد ثاني

فوزي: رحت لألف واحد كلهم قالوا نفس الكلام

بلقيس: صحيح ان ابوي مايضرب أسنانه بالبروش ..بس كان لونه مثل الذهب

الام: اذكروا محاسن موتاكم

فتحيه:ابوي ماعنده محاسن

فوزي: الحين شلون بنعيش؟

الام: مثل فقر اول من معاش الشؤون

..............................................................

في بيت ابو شاهين

كانت هيله سهرانه لحالها لان ما جاها نوم

وبينما هي جالسه تسمع في الراديوا (المدياع ) اغنية الحب المقهور <على فكرة الاغنيه هذي مرره تجنن>

المهم شافت شي من بعيد يلمع ويبرق وقامت تركض تاخده قبل لا يشوفه احد وياخده

طبعا هو ربع الريال سمعت صوت احد قاعد قامت على طول تبغى تخبيه

قعدت تفكر بسرعه مكان بحيث ما يشوفه احد مالقت غير مكان واحد انها تقعد عليه

دخل شاهين عليها

شاهين : ليش قاعده لين ها لوقت ؟

هيله بخوف : ما جاني نوم قلت اقعد في الصالة استمع لراديو

شاهين : احد يسمع اغاني في انصاص الليالي ..صحيح انش فاضيه

وراح عنها تنهدت هيله بصمت عشان ماحد يسمعها

وتدكرت الربع اللي خبته طلعته الا وتلاقيه اخضر <من الفسو او الغازات بمعنى ثاني >

وراحت خشت الربع الاخضر لليوم الاسود

.................................................

في اليوم الثاني

في بيت ابو سعد الساعة 4 العصر

ابو سعد يكتب لام سعد :تعالي ابغاش في موضوع

راحت ام سعد مع ابو سعد للغرفة

ابو سعد يكتب :تدرين يا ام سعد ان اختي وبناتها بعد ابو فوزي مالهم احد

و انا قررت ازوج بلقيس لسعد شرايش ؟؟

ام سعد :زين تسوي و انا راي من رايك

ابو سعد يكتب :خير انشالله اكلم سعد ونشالله يوافق انه يخطبها ............................

راح ابو سعد لولده وكلمه

سعد :بس انا اخاف يتكرر ليّ نفس الشي وافك الخطوبه

ابو سعد :انت بس وقف عن ها لصياح واحنا بخير

سعد : احاول اكتم صياحي

............................................................

بعد اسبوع من هدي الاحداث

ام سعد كلمت سهان تتصل الى بيت عمتها وتكلمهم عشان الخطبه

ام فوزي : الو

سهان :الو هلا عمه كيف حالش ؟

ام فوزي : هلا سهنهن حياش الله

بعد الهدره الفاضيه والممله والبايخه

سهان : عمه انا بغيتش في موضوع مهم

ام فوزي :خير يمه شصاير ؟

سهان :عصفور طاير يشرب زقاير قاعد على واير <نسيت حالها البنت >

سهان تكمل الموضوع :أي بس لازم نجي لكم وفوزي لازم يكون موجود لان ابوي بجي

ام فوزي :حياكم الله بس متى بتجوا ؟

سهان :بكرا العصر......يلا عمه مع السلامه

ام فوزي :الله يسلمك سالمه وسلمي

سكرت ام فوزي السماعة وراحت لبناتها

ام فوزي : بكرا تعدلوا وتشيكوا بجونا بيت خالكم العصر لان عندهم موضوع مهم

بلقيس : شنو يبون؟

ام فوزي:مادري والله ...ماوصيكم لبسوا احلى ماعندكم

..........................................................................

اليوم الثاني....

بلقيس:شنو البس؟هذا والا هذا؟

فتحيه :هذا احلى

بلقيس: بس هذا مشقوق من النص

فتحيه : خلاص البسي ذاك

بلقيس : بس ذاك فيه بقعة كلوركس

فتحيه : ليش تخيريني بينهم؟ الا باقولش البيت فاضي ويش نحط ليهم ؟

بلقيس : ها مادريتي امج قالت لفوزي يشتري اغراض من البقالة

فتحيه : ها حلفي لا لا ما اصدق كذابه

بلقيس : والله العظيم حتى انا ما صدقت هذي تعتبر عجيبة من عجايب الدنيا الخمس

<قصدك السبع >
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:26

في بيت ابو سعد

ابو سعد :ها جهزتوا ولا بعدكم ؟

سهان :جهزنا يبه

سعد : سهوونه شرايش في شكلي ؟ <طبعا شخصيته الثانيه >

سهان :تجنن يلا خلينا نروح السيارة

.....................................................

في بيت ابو فوزي

رتبوا البيت وتعدلوا وتشيكوا ....

بلقيس لبست بنطلون وبلوزة فوقهم ابّه

اما فتحيه فما كان عندها شي تلبسه لكن امها عطتها

صروال ابوها الداخلي هو في الاصل ابيض لكن من ابوهم تحول الى اصفر

وهي قامت لونته بالكركم وصار اصفر اصلي مثل ضرس ابوهم بالضبط

والام لبست جلابيه من ايام شهر بصلها

بعدها جوا بيت خالهم ودقوا الجرس

بلقيس : فوزيوا الجلنص يدقونه روح افتح الباب < على فكره الجلنص هذي مو غلطه مطبعيه مني هذا تخلف من بلقيس >

دخلوا الرجال في المجلس وتموا الحريم في الصالة

ام سعد : والله يا ام فوزي اني اعتبر بناتج مثل بناتي واولادج مثل اولادي واخوتج مثل اخوتي

ورجلش مثل رجلي وبنات اختج مثل بنات اختي واجدادج مثل اجدادي <نست حالها الحرمه >

صالحه تدز امها بكوعها لكن الام ولا هي فاهمه

ام سعد :وجيرانج (اهني انتبهت على حالها وطمت حلجها )

اما با لنسبة الى البقايا فكانوا مذوهولين عالآخر

ام سعد :احم احم نكمل محور حديثنا <بعد ما شهرتي عائلتش >

وسعد حسبة ولدج ورجلي حسبة رجلج <استخفت المرة >

صالحه لما شافت أمها بهذي الحالة قامت كملت عنها

صالحه : اللي تقصده امي ان سعد تلميذ اقصد طالب ايد بنتكم المصونه المكرمه المشرفة

المدينه المنورة تبوك ..الطائف

وبينما صالحه بها الحاله سهان كملت عنها

سهان :عرعر بريده فريق الاطرش (هني الخبله سهان انتبهت لحالها وقاطعتها صالحه )

صالحه : نكمل حديثنا سعد طالب ايد بنتكم بلقيس

فتحيه :اني ؟

بلقيس : لا يا لبقرة اني <وهي تأشر على ابتها >

صالحه تقول في نفسها ويش ها لصفاعه :وبنعطيكم المهله عشان تفكروا وتردوا علينا بس

نتمنى انكم ماطولوا في الرد علينا

ام فوزي :على خير انشالله

بعدها كملوا سوالفهم وطلعوا المغرب

............................................

بعد ما طلعوا بيت ابو سعد

ام فوزي :فوزوز (دلع لفوزي ) شرايك في سعد ؟

فوزي : رجال طيب وكريم ومحمد وماجد ومكي وفتحي ويونس (انتبه للكلام اللي يقوله )

ومتواضع وشهم وهمام ومغوار وبطل وتسالي وليز احم احم وشخصيته حلوه

ام فوزي : يعني تحسه مناسب لاختك ؟

فوزي :بصراحه أي

ام فوزي : وانتي شرايج يمه بلقيس ؟

بلقيس : ما ادري يمه بعدني افكر

ام فوزي : فكري زين هذا زواج مو لعبة <عدال عليش اللي دايسه على ظهر زوجش ورافستنه >

راحت بلقيس لغرفتها وهي تفكر سعد رجال زين وما عليه كلام لكن انا احب شاهين

بس شاهين ما يحبني وما اعتقد انه يجي يخطبني والدليل انه لما شافني اغمي عليه

يعني هو يكرهني .....معقولة اتخلى عن حب حياتي واتزوج سعد ..................



تتوقعون بلقيس بتوافق على سعد ؟؟؟

ولا بتنتظر شاهين ؟؟

ترقبوا الجزء الجديد مع احداث مشوقه وجديده

...........................................................................

بعد يوم في بيت ابو فوزي

بلقيس : يمه تعالي غرفتي ابغى اكلمك شوي

راحت ام فوزي مع بنتها للغرفة

ام فوزي :خير يمة شصاير ؟

بلقيس :يمه انا فكرت و..........

انا

وانا موافقه

ام فوزي :كولولوليش مبروك يابنيتي منش المال ومنه العيال (استخفت المرة )

وقعدت اتوصي بنتها على الزواج ...................الخ

...............................................................

الساعة 7الصباح قعدت هيلة من النوم بتروح البقالة بتشتري ليها بالربع الاخضر

ومن دون ما تغسل وجهها او حتى اسنانها لبست عباتها وطلعت للبقالة اللي جنب العمارة

دخلت والفرحه شاقه حلجها والبياع اول ما شافها اختلع وقال اللهم سكنهم في مساكنهم

جلست تدور على شي بربع الريال شافت كورن فليكس كبير وراحت للبياع

هيله :بكم هذا ؟

البياع : ب9ريال

قعدت هيله تعد على أصابعها كم ربع احتاج عشان اشتريه ؟

وقامت تدور على حاجه بربع الريال شافت شوكلاته باونتي :بكم هذا؟

البياع :بريالين

وتعود هيله تعد على اصابعها ....

وتدور شي بربع الريال

هيله :في شي بربع الريال ؟

البياع يفكر : أي في عندك علكه ونفاخه (بالونه)

هيله : بكم النفاخه ؟

البياع :بربع

هيله :انا زبونه عندك عطني 3بربع

البياع :اصلا انا اول مرة اشوفك واتمنى تكون اخر مرة ..يلا بتاخدي النفاخه ولا شنو ؟

هيله :زين عطني النفاخه الزرقاء وحطها في كيس

طلعت هيله من البقاله وهي فرحانه اول مرة يكون عندها نفاخه تحس نفسها من الناس اللي تبع التطور والتكنولوجيا وانها احسن وحده بالعيلة...... وصلت البيت وجلست

تنفخها ومن خوفها نفختها صغيرة عشان ماتفقع
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:27

في بيت ابو سعد

العصر الساعة4

صالحه : ما ردوا عليكم بيت عمتي ؟

سهان : لا والله ما ردوا

صالحه : تتوقعي انها موافقه ؟

سهان :والله ما ادري بس انا خايفه من سعد ترجع حالته لما نروح بيتهم ويش بقولون عنا ادا شافوه يصيح من دون سبب

صالحه : أي والله

وبينما هم يتكلموا يرن تلفون بيتهم

سهان :الو

ام فوزي : الو هلا سهونه كيف حالكم ؟

سهان : الحمد لله بخير ونتوا ؟

ام فوزي:طيبين...الا عشان هذاك الموضوع....بلقيس قررت

سهان:واشالله خير؟

ام فوزي:البنت موافقة بس عندها كم شرط

سهان: خلاص الليلة نجيكم نشوف شروطكم ونتفق على الملكة.....مع السلامه

صالحة: وافقوا؟

سهان:أي بس عندهم شروط...طرار ويتشرط....باقول لأبوي يشترط عليهم ان مافيه زواج بس حفلة صغيرة تدري..اخوج يمكن ترجع له شخصيته الثانية ....خليني اقول لأمي

.......................................

هيلة ماجاها نوم مو عارفة وش تسوي بالنفاخة...مرة تنيمها جنبها ومرة تحفظها ومرة تربطها بخيط وتربط طرف الخيط بأيدها عشان كل ما مشت تكون معاها وتحس بالأمان...

مرزوقة بشهقة:شنو اللي بأيدش؟

هيلة بكل فخر: انتي شعرفش بها السوالف...المثل يقول خلي النجارة للنجار والطب للطبيب...والنفاخة لـ....<ماعرفت توصف حالها>لأبو فسووووور<قصدها البروفسور>

مرزوقة: خليني احملها شوي

هيلة: بأحلامش...مافي احد يرضى على بنته يمسونها اولاد الحرام....ومشت عنها

............................

ام فوزي:انا قلت لهم ان عندش شروط ...

بلقيس: بس انا ماعندي يمه

ام فوزي:لالالا...خليني اتكلم عنش...مو تنطقين بولا حرف....فوزيوه لا تخلي شرط الا وتقوله هذي بنتنا المدللة

بلقيس: مدللة وما شفت منكم شي ...غير الضرب والمهانات<قصدها الاهانات>

طرن طرن <الجرس غاص>

ام فوزي:يالللا اكيد هم دخلهم في مجلس الرجال والحريم هنا بالصالة

بلقيس كانت متشيكة عالآخر...كانت لابسة فستان طويل وفيه تلسون ووراه شنطة وكانت لابستها بعد< مثل فساتين الاعياد القديـــــــــــــــــــــــمـــــــــــــــــــــــــــــــة >

وفتحية كانت لابسة البنطلون الوحيد اللي عندها ..كان مشقوق من النص بس خيطته

وبعد نصف ساعة تقريباً جلسوا البنات بروحهم في غرفة بلقيس وفتحية ...والامهات لحالهم ...والبنات نسوا ان امهم ماتسمع وهي تورطت

ام فوزي: مثل ماقلت لكم ان البنت عندها شروط...واول شرط ان الملجة والزواج بليلة وحدة تدري ابوها توه متوفي...ام سعد تهز راسها كذا تخمين بس

ام فوزي:ونبي طقم ذهب ....وفلوس غير المهر للتجهيزات مثل الملابس

ام سعد تهز رأسها بعد...وهني حست ام فوزي ان كل طلباتهم مجابة..فقامت تزيد من عندها .

................................................

البنات كانوا جالسين فوق الاسرة....وبلقيس تحس نفسها اميرة بها الفستان كانت تمشي وهي ترفعه ....

اما فتحية فتربعت على السريرونفك خياط بنطلونها وطلعت اشياء غير مستحبة ...واللي مقابلتنها كانت سهان وسرحت في الغابة اللي تناظرها ..واشمئزت بس ماحبت تحرجها

.......بعد فترة قامت صالحة طلعت جوالها تسمعهم الرنات <العنيد الاول مثل ما قلت لكم>...وفتحية ماتحب ان احد يفتخر في شي مو عندها فقامت عنهم وراحت تطل على النافدة ...ولفت انتباهها شي .......شافت فارس احلامها مع خيله الاصيلة ....اقصد شافت مبارك ينظف سيكله <لاتحطون آمال كبيرة على السيكل ...السيكل مو كبير لا ...كان عبارة عن سيكل صغــــــــــيـــــــــــــــــــــــر فيه عجلتين كبار مع عجلتين صغار للوقاية من السقوط وفيه جرس وفيه كراكيش على جنب وسلة صغيرة من ورا ..وكان مبارك حاط غرشة ماي صغيرة عند العجلات عشان اذا مشى يطلع صوت مثل لطرام او الماطور> ...وهنيه فتحية تخيلت انها معاه راكبة في السلة اللي ورا .....مبارك رفع راسه يناظر القمر اللي حلمه انه يوصل له بالسيكل < عشم بليس في الجنة> بس شاف اللي احلى من القمر نفسه< في نظره> وظل يتأمل فيها وشعرها اللي كأنه شمس الليل ..وقال لازم استعرض لها بالسيكل ...وقام يسوقه يمين ويسار ..ويدق الجرس شوي ....ويرفعه من قدام<يشوّل> ...وجته فكرة شافها لما كان مع ربعه يشاهد فلم <ذا ماتريكس> وقال لازم اطبقها ....وقام رجع الين آخر الشارع وصار يقابله جدار بيت ..وقام يسرع 80كم في الساعة <كان على باله انه بيركب مترين من الجدار وبيقلب على ورا>مثل اللي شافه في الفلم...وهو يسرع وصل للجدار وصدم صدمة قوية ذوت في ارجاء الحارة ....وانكسر السيكل وصارت كل عجلة في جهة ....اما مبارك...ايـــــــــــــــــــه الله يكون في عون اهله وفتحية اللي تحبه....

مبارك صار فيه...............انتظروا الجزء الجديد



س1 وش تتوقعون يصير في الزواج؟

س2 وش بصير لمبارك؟ بموت ولا.....؟

س3"انا ثنور بثبعة ارواح ماثار فيني ثي" منو اللي قال هالعبارة؟!!!!

................................................



وهو يسرع وصل للجدار وصدم صدمة قوية ذوت في ارجاء الحارة ....وانكسر السيكل وصارت كل عجلة في جهة ....اما مبارك...ايـــــــــــــــــــه الله يكون في عون اهله وفتحية اللي تحبه....

مبارك انكسرت اسنانه الامامية والدم خيس وجهه ....كان صديقه يراقبه وجا سأله: مبارك تعورت؟

مبارك وهو دايخ راسه بس ماحب يبين لفتحية: لا ماثار فيني ثي < صار اغلط وافجم >

بشير: شوف الدم اللي غطى على عيونك...واسنانك ...طاح منك 3ضروس....

مبارك وهو يغالب دموعه: انا ثنور بثبعة ارواح ماثار فيني ثي...بث وين ضروثي ابي اذرعهم < ازرعهم>حتى يقوم لي ضرث غذال...ولما لقاهم: الثلام يالربع ...وعطى فتحية بوسة في الهوا...مع ان فتحية تحبه بس لاعت جبدها من الدم ولان فيه ضرس انكسر نصفه بس فقامت سكرت النافدة ...

















قررت صالحة تروح تشوف امها خصوصاً انها ماتسمع ولما وصلت الصالة سمعت ام فوزي تقول:المهر بكون 300الف ريال<وهي تحط في بالها انها بتشتري بيت> ونبيها تسكن بروحها

وام سعد تهز راسها

صالحة: شنو مهرها 300بنت الامير وانا مادري؟ وبعدين بتسكن في الملحق اللي عندنا

ام فوزي: خدامة هي ؟وبعدين دام امش موافقة انتي شدخلش؟

صالحة: امي على نياتها ماتسمع شي ...الحين عيدي الشروط من جديد

ام فوزي تقول في نفسها ضاعت الآمال اللي رسمتها
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:30

في اليوم الثاني ....هيلة كانت حاضنة النفاخة قررت انها تغير حفاضتها لانها من امس..ولما شالت الحفاضة لاحظت حاجة ......ان البنت فيها شي غلط

هيلة: معقولة في ام تنسى هالشي؟!!!!انا مااستحق هالامومه لا ياربي سامحني اللهم لاتؤاخذنا ان نسينا او أخطأنا ......في ام تنسى ما تطهر بنتها؟!!!!!راحت جابت مقص كانت تبي تقص محل الربطة : سامحيني يا زليخة < اسم نفاختها> وقامت قطعتها وفجأة تسمع" بـــــــــــــــــــاخ " فقعت النفاخة وتحولت لأشلاء قامت هيلة تبكي وهي تسترجع شريط ذكرياتها مع زليخة وهي تلبسها توضيها تسبح معاها وهي تحط ليها فودر وفازلين عن الحرار

هيلة صرخت صرخة ذوت في ارجاء المدينة:لازليـــــــــــــــــــــــــخـــــــــــــــــــــــة

..........................................................................



في بيت ابو شاهين

رجع مبارك بيتهم وهو يصيح بقوة ودخل غرفته على طول من غير ما يسلم ولا يتكلم

راح انبطح على سريره وهو يصيح ويقول : انا مبارك ولد مطلق اخر عمري اثير افجم

انا مبارك الولد المدلل اخر عمري ينكثر ثيكلي .....ثيكلي اللي افتخر فيه قدام اخوتي وحبيبة قلبي فتحيه اااه

اهيء اهيء حسافه والله على ها لسيكل

دخلت عليه ام شاهين وسمعته وهو يصيح

ام شاهين :مبيريك حبيبي ليش تصيح ؟

مبارك :ما في ثي ممكن تخليني لحالي

ام شاهين لا حضت ان في كلامه شي غلط ...راحت لعنده وقالت :قوم تعشى

مبارك وهو يصيح :مابي عثا مابي ثي

ام شاهين بشهقه :من اللي كسر اسنانك ؟

مبارك زاد صياحه وما قدر يتكلم

ام شاهين: مبيريك حبيبي جاوبني من اللي كسر اسنانك ؟

مبارك وهو يبكي بصوت مخنوق : يمه انكثر ثيكلي اهيء اهي

ام شاهين:خلاص بما انك هذي السنة نجحت واخدت ال26على فصلك < من اصل 26> باخلي ابوك يشتري لك احلى منه

مبارك: لا هذي المرة ابي ثيارة لونها احمر او اثفر

ام شاهين: ولا يهمك بس لاتصيح ...وراحت عنه ام شاهين وهي حاطة في بالها ان السيارة اللي يقصدها سيارة اطفال اللي عادة يركبها الطفل اللي عمره سنتين بس وما درت انه يقصد سيارة حقيقية

.........................................

هيلةكانت في حالة من الصدمة والذهول ان بنتها اللي تعبت في شرائها وتربيتها تضيع من ايدها وبسببها ..كانت حاضنة بقاياها ولامتنها في قماط وهي تبكي....بس فجأة خطرت على بالها فكرة....: لازم بكرة الصباح انفذها

..............................................

في اليوم الثاني......

جلست هيلة من النوم الساعة6 من الحماس اللي فيها..وراحت على طول للمكان اللي في بالها

هيلة: لو سمحت اني شريت من عندك شي غالي ومو اصلي ابي ارجعه....وطلعت كيس فيه اشلاء من النفاخة

البياع: انتي اخذتيها كذا يعني؟

هيلة: لا بس لما نفختها فقعت والحين ابي وحدة جديدة

البياع: مو ذنبي انها فقعت ....عطيني فلوس اعطيج وحدة جديدة

قامت هيلة تتعفر في البقالة: ابي بنتي ....ابي زليخة....والله ما اطلع الا بوحدة

البياع: اف ...خدي هذا وقومي ذلفي برة

ناظرت هيلة في الشي اللي عطاها اياه : شنو هذا؟

البياع متعجب: هذا علكة تاكلينها

انذهلت هيلة من العالم اللي حولها وفيه اشياء كثيرة ماتعرفها: هاتها ....وراحت عنه والفرحة مو سايعتها

..............................................................

لما رجعت هيلة قامت خلت اخوها يقرأ ليها طريقة الاكل ولما عرفت قامت تعلج فيه وتصنع منه نفاخات وتفقع في وحهها وترجع تشيلها ....

مرزوقة: ابي منها شوي هيلو

هيلة: لو تموتين ما اعطيش....هذا من عرق جبيني

ام شاهين: يالله يابنات الغدا جاهز

هيلة ما تبي تشيل العلج...شتسوي الحين بس هي جوعانة ...لالاماتفرط فيه..

هيلة: انا مابي يمه

الكل استغرب منها....هذي معجزة...اول مرة تصير في التاريخ

ام شاهين: لـــــــــــيــــــــــــــــــــــــــش!

هيلة: كذا بس ...وراحت عنهم

وقامت تعلج قدامهم وتحمقهم وتطلعه من بوزها وتمده وترجع تدخله

..........................................................

في بيت ابو فوزي " الله يرحمه"

بلقيس: يمه الحين قريب بتزوج ما يصير لازم اشتري ملابس مثل الناس واتكشخ لخطيبي ...قولي لفوزي يروح معانا المجمعات

فتحية فقعت عيونها مو معقولة اخيرا الحلم بيصير حقيقة ...هي دايم كانت تسمع عن هذي الاماكن بس عمرها حتى ماشافتها من برة

ام فوزي: وانتي الصادقة لازم تشتري نفنوف حق الملجة واختش بعد بس المهر ما جابوه لحد الحين

بلقيس: فوزي امس قال لي ان خالي عطاني مبلغ يقول لأغراضكم وما ادري شنو يقول امك بتفهم

ام فوزي: قصده حق التجهيزات لان المهر ما بجيبوه الا قبل الملجة بيوم....خلاص الحين اخوج مو موجود هالوقت..خليها بكرة الليل على ما اقول له.

......................................................................

في بيت ابو شاهين

هيله ما شالت العلج من فمها وكل مرة تدلع قدام اخوتها وهم ميتين قهر منها

ام شاهين :يلا قوموا تعشوا

هيله جوعانه لكن مستحيل ارمي العلك لا بس شسوي فيه ايوه بس لقيتها كيف مافكرت فيها من قبل صحيح اني غبيه <من زمان >

وتوجهت للمكان المقصود

فتحت درجها ولزقته في درجها حتى ماحد يشوفه وراحت تتعشى معاهم ....وبعد العشا راحت تبي تاكل العلج لقته متجمع عليه النمل .....بس ماهمها هالشي لانها متعودة تاكل اكل بمشاركة الحيوانات ...قامت وغسلته ورجعت اكلته ونامت وهو في فمها........

.................................في صباح اليوم الثاني .....

ام شاهين بفرح: ياللا مبارك قوم ابوك شرالك سيارة هي محطوطة تحت عند باب العمارة قوم بسرعة شوفها

مبارك فز من نومه: ولله ولونها احمر واثفر مثل ما طلبت

ام شاهين: أي ابوك يقول والله

وقام مبارك على طول من غير مايغسل عند باب العمارة وشاف تجمهر على دائرة صغيرة ...قال في باله ان السيارة يمكن رياضية صغيرة مرة..اوكي بمشيها ..

ابو شاهين بابتسامة: تقطعها بالعافية ياوليدي

مبارك ابتسم لابوه بس ما اسرع مااختفت الابتسامة من وجهه لما شاف حجم السيارة...كانت صغيرة حقت الاطفال اللي عمرهم 3سنين يعني هذي السيارة اللي فيها سكان وفي وسط السكان شي تضغط عليه ويطلع صوت مثل الهرن واذا رفعت المقعد تلاقي مربع للأغراض او الالعاب

يعني باختصار سيارة لعبة للي توهم متعلمين المشي

مبارك: يبا هذي ثيارة حقت اطفال

ابو شاهين: من كبرك يعني...بعدك بزر...يعني شقصدك؟

مبارك: كان قثدي ثيارة مثل اللي عند الناث

ابو شاهين بسخرية: انا مافي عمري شريت لي...اشتري لك انت ؟!!!! تحلم ...وراح عنه

وقعد مبارك يبكي على حظه الرديء ...وبعد الصياح قال مالي الا اجربها ...وقام رفع ثوبه الصفرة القصيرة وركبها وقاموا عيال الحارة يدفونه وكل واحد متأمل ان الدور يجي عليه.....

........................................................................
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:33

نرجع الى هيله اللي وهي نايمه تعلج جلست من النوم وقامت من سريرها لكن حست ان في شي غلط لا لا مستحيل مو معقوله لاحضت ان العلج مو في فمها راحت لعند سريرها وجلست تدوره لكن ما له اثر لا ياربي شسوي جلست تحك راسها وتفكر وين راح ...وهي تحك تشربكت ايدها بشعرها وراحت المرايا تبي تفكه بس يوم شالت ايدها من شعرها شافت شي اصفر< كان ابيض بس من اسنانها تحول لها اللون>كان هالشي لازق في شعرها وهي تحاول تشيله لانها عرفت انه اللي تدور عليه ويوم تعبت راحت لامها تشيله من راسها

ام شاهين بعصبية: الله يغربلش ليش نمتي بالعلج ...شوفي لازق بشعرش مو راضي يقبع ..الحين شسوي؟!!!

هيلة: أي أي أي يمه والله يألم لاتمشطينه جدي

ام شاهين: من متى ما مشطتيه؟

هيلة: والله مو من زمان ..يمكن < تفكر بعمق> مو متذكرة بس المهم مو من زمان...خلاص يمه يعور شوفي شعري شلون صار

ام شاهين: بلاكن اني اعرف شلون اتصرف فيه...وقامت اخذت مكينة الحلاقة اللي تشتغل بالكهرباء وقصت اللي قدام كله< يعني مكان القصة>وصارت قرعة من قدام

قامت هيلة تشوف نفسها بالمراية....ولما شافت انها قرعة من قدام قامت تصيح

هيلة بصياح: يمه حرام عليش شوفي شلون صرت ...جمالي كله راح...< هو كان موجود في الاساس!!!>

ام شاهين: تستاهلين...شفتي الغرور لوين يوصل الانسان؟...وراحت ترمي بقايا الشعر عشان هيلة ماترجع تاكله...لانها تسويها...

......................................................

فوزي بصراخ: ياللا ماجهزتوا؟!!

طبعاً بروحوا المجمع لأول مرة في حياتهم

كانت فتحية محتارة شتلبس...

فتحية بترجي: بلقيس ابي البس عباتش < لانها احلى عباه بالتاريخ...عباه راس وفيها سحاب وجيب >

بلقيس: هههاي تحلمين روحي بعباتش

وبعد ربع ساعة كانوا مخلصين ونزلوا تحت العمارة بوقفون لهم تاكسي

فوزي كان يأشر للتاكسي بس مافي احد يوقف

فتحية كانت الفرحة مو سايعتها : فوزي ابي اأشر للتاكسي مثلك

فوزي كان مفتخر بهالحركة اللي علمها اياه رفيقه : لأ هذي الحركة بس للرجال

فتحية ماسمعت كلامه وقامت تأشر معاه....ووقف لهم تاكسي..وهم في التاكسي

فوزي: أي مجمع تبون تروحون..تراها اول وآخر مرة

بلقيس: سمعت مرة يتكلمون عن مارينا مور< متلخبطة بين مارينا مول ومونامور>

فوزي: ودينا مارينا مور

....ولما وصلوا المجمع اندهشوا من المكان كل العيون سكتت لما حطوا رجلهم عالمكان

فتحية لما كانت تبي تمشي حست ان الارض زلقة شوي فعجبها هالشي وقامت تفحط في المكان وعيون الناس تناظرها بس ماهمها هالشي ...واخوتها ماقالواشي لان من حقها تعبر عن فرحها

فتحية: بلقيسو شفتي الارض تلمع والله اقدر اشوف نفسي فيها

بلقيس: أي ..شوفي المكان اخاف اضيع فيه من كبره..

فوزي الاندهاش خلاه اخرس : احم خلونا ندخل هالمحل

.......وبعد ساعة ونصف بلقيس اشترت ليها كل الملابس اللي تحتاجها لزواجها بس باقي ليهم فستان لبلقيس وفتحية ...بس هم جاعوا وما يقدروا يكملوا بدون اكل فراحوا يبون يركبون فوق بالدرج المتحرك ..فتحية ماصدقت انها بتركبه كان مثل الملاهي عندها واول ما ركبوا كأنهم راكبين طائرة من الارتفاع اللي وصلوا له بالنسبة لهم بس مااسرع ما وصلوا فوق

فتحية ماتمنت ان هاللحضة تزول: خلينا ننزل بعد

فوزي بغاها من الله: ياللا...ورجعوا نزلوا تحت ..وردوا ركبوا فوق

فتحية: بلقيس خلينا هالمرة نكون عكس بعض يعني انتي تنزلين وانا اركب

بلقيس:ياللا فوزي تعال معنا

فوزي: لا خلاص داخ راسي انتوا روحوا

نزلت فتحية عشان تكون عكس ختها

فتحية بصوت عالي : 1 2 3 ياللا ...وركبت ..وبلقيس نزلت ولما تلاقوا كل وحدة تصفق في ايد الثانية..ولما وصلوا

بلقيس: انتظروني بركب لكم

فتحية بغتها من الله: وانا بنزل

فوزي عصب: خلاص الناس قامت تناظرنا....بس فتحية ماسمعت كلامه ونزلت وردت ركبت وبعدها راحوا يقعدوا على طاولة

فوزي: من أي مطعم تبون؟

فتحية: امممم صديقتي تقول في مطعم اسمه....شنو اسمه ياربي ..اي اسمه لتر سيرم < قصدها ليتل سيزرز>

فوزي: على بالش كل المطاعم موجودة ....خلاص اختار واحد وبس ..لاتتحركوا من مكانكم

ظلت فتحية وبلقيس يناظروا بالمكان ويتلمسوا في الكراسي والطاولة ولو ودهم يناموا فيه

فتحية محتارة: باروح الحمام وبرجع

بلقيس: لالاتتحركين من مكانش..ماتدلينه

فتحية وهي تأشر على مكان وهمي: في لوحة مكتوب فيها ان الحمام في هاللفة..واذا مادليت برجع لكم...وراحت عنها وهي في بالها تكمل لعبها في الدرجة ..وقامت تجرب تنزل وهي قاعدة ....ومرة تركب وهي نايمه ...ومرة وهي تتدحلب ..ومرة تركب الدرج اللي ينزل..وتنزل الدرج اللي يركب.....

فوزي: وينها فتحية؟

بلقيس: مادري قالت بتروح الحمام ولحد الحين مارجعت

فوزي خاف انها ضاعت وقام مع بلقيس يدورون عليها وشافوها على الدرجة تجرب آخر اختراعاتها ....كانت تجر كرسي من اللي في المطعم عشان تجرب تنزل فيه ...وراحت حطت الكرسي على الدرج اللي ينزل وركبت فوقه بس مادرت انه مايتوازن وقامت تتقلب لين آخر الدرج ...

وصل ليها فوزي وهو فرحان لانه نزل الدرج حتى يوصل ليها وقام شالها من التجمهر

فوزي بعصبية: قومي عن هني بسرعة ورجع ركب الدرج معاها ..وكانت فتحية تنزف شوية دم من خشمها بس ماهمها ...ولما وصل الاكل مثل مجاعة افريقيا انقضوا عليه بسرعة وفي لحضة انهوا الصحون كلها وفتحية قامت تلحس الصحن وتشرب الكاتشاب والمايونيز...وراحوا يكملوا عشان يشتروا فساتين العرس

........................................................

في بيت أبو سعد...

أبو سعد كان يجر سعد من رجله: قوم اشتري لك ملابس ...احلق شعرك..تسبح...

سعد كان يصيح: مابي اترككم يبا ..آه آآآآه

ابو سعد: والله حتى البنت ماتسوي كذا....قوم والا اجيب الملاس الخشبي الحين

سعد زاد صياحه: لالالا اقوم احلق ارحم لي

ابو سعد كان متضايق لان سعد رجعت حالته وبعد يومين الملجة والزواج في نفس الوقت

............................................................
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:34

نرجع الى عائلة ابو فوزي اللي بعدهم في المجمع

فتحيه :ابغى اروح الحمام اغسل الدم اللي في خشمي

فوزي :لا ما في تروحي اذا بتروحي اخدي معاش بلقيس ولا تطولي

بلقيس :يلا قومي فتحيه

راحت فتحيه مع بلقيس الحمام واول مادخلت تعجبت من المكان ..غسلت خشمها من الدم وشافت بنت تنشف ايدها بالمنشف الحراري ...وحبت تجربه بنفسها ..ولما طلعت البنت قامت فتحية شغلته..ولما شافت انه يطلع حرارة قامت دخلت راسها فيه< على بالها انه استشوار>

بلقيس: قومي ابي استشور شعري

فتحية: لا شعري اخشن من شعرش ....استنيني اخلص...ما تحسي ان غريبة يعني حمام فيه استشوار؟

بلقيس: لا مو غريبة عادي ...هذولا الناس هاي

خلصت فتحية من الاستشوار وراحت تغسل ايدها مرة ثانية وشافت ان فيه صابون سائل فقامت تلعب فيه وتسوي نفافيخ منه لحد ماخلص ورجعت راحت للثاني وكان مليان فقامت خشته في صدرها لليوم الاسود...او للبيت بالأحرى

.......................................................

بعد يومين .....اليوم الموعود...ملجة سعد وبلقيس....الساعة3العصر فتحية وبلقيس في الكوافير يتعدلون...طبعاً الفلوس من مهر بلقيس جابوه مع هدايا وملابس ....طبعاً عزموا الجيران والاصدقاء وبيت ام شاهين ما تضايقوا بالعكس فرحوا على الاقل بيفتكوا من صفاعة وحدة ....

وفتحية انصدمت من روعة المكان..اول مرة تروح كوافير ..شافت اجهزة اول مرة تشوفها في حياتها....

وعلى مايجي دورهم قامت فتحية تتفحص المكان ..دخلت غرفة الاستشوار وكانت فاضية مافيها احد فقامت تشغل في الاستشوار وتطفيه ..تشغل ...وتطفي...تشغل....وتطفي اكثرمن20مرة لحد ما اخترب وصار ما يشتغل ...بعدها راحت للكرسي الدوار وقامت تفر فيه لحدى ما داخ راسها وقامت ترجع ......

اما بلقيس كانت هادئة..لانها عروس ...ولا لو على كيفها سوت اكثر من فتحية...

بدأوا يعدلوا فيهم وبدوا في فتحية عشان يتخلصوا من شرها

.......................................................

في بيت ابو سعد ....سعد كان متونس وخايف في نفس الوقت ...لان هذي لبنت من لحمه ودمه مو مثل خطيبته الاولية...كانت غريبة....بس حلف على عمره انه يسعدها...

طبعاأ قام يجهز لنفسه كل شي ..ملابس.. عطورات ....والمهم انه اثث غرفته بمساعدة ابوه وخواته ..لان بلقيس بتسكن في نفس غرفته الاولية لانها واسعة وفيها حمام كبير...

سهان وامه وصالحة حجزوا ليهم كوافير فخم لانه ولدهم الوحيد ومع خبالته..بس عزيز عليهم.....

..............................في بيت ام شاهين

هيلة كانت تصيح: والله حرام عليش يمه الحين كيف اروح العرس وشعري محلوق من قدام ؟

ام شاهين كانت ندمانه بنتها وما تهون عليها: مادري سوي أي شي ..البسي قبعة ...

هيلة: ومن وين لي القبعة...يعني البس حقت شاهين اللي يروح فيها للشغل ....مو حلوة

ام شاهين: خلاص باخلي ابوش يوديش السوق تشتري بدلة جديدة وقبعة جديدة بعد

...................................................

رجعت بلقيس وفتحيه من الكوافير وراحوا للعمارة عشان يمروا على امهم لكن قبل ماتدخل فتحيه شافت حبيب قلبها مبارك يلعب بسيارته واولاد الحارة يدفونه تبادلوا النظرات وفتحيه ابتسمت لمبارك وهو بادلها بأبتسامة وفتحيه لاعت جبدها من ابتسامته لان مافيه اسنان ودخلت تاركه

مبارك هيمان في حبها

.....................................................................

في العرس ....العرس كان في بيت ابو سعد عن المصاريف...

فتحيه من زمان مازارت بيت خالها وبيت خالها بالنسبه لها قصر

الكل تعجب من جمال فتحيه شعرها صاير ناعم وهم متعودين عليها ان يكون شعرها كشه على طول والقمل يسري فيه اما الحين شعرها ناعم ومروّل ولابسه فستان مديله ان الظهر مكشوف ومن تحت ساتان ولونه احمر والام لابسه جلابيه زرقاء اما بلقيس فكانت روووعه لابسه فستان لونه ذهبي وتسريحة شعرها تجنن ومكياجها احلى واول مادخلت الكل شهق وقال ماشاء الله

وهي ما عرفت نفسها لانها متعوده تشوف نفسها بالقراعين وهذي اول مرة تتغير تسريحة شعرها ......وصلت ام شاهين مع بناتها مرزوقة كانت لابسه فستان قصير لونه بني وطالعه حلوة وناعمة اما بالنسبة الى هيله كانت لابسه تنورة قصيرة وبلوزة ومغطيه شعرها بقبعه فرنسيه لونها ازرق على لون البدله اللي لابستنها .................

سهان كانت تجنن لابسه فستان بنفسجي رووعة ومكياجها مرة حلو وشعرها مسويتنه كيرلي

ولابسه تاج والكل انعجب فيها وفي جمالها ..وحتى ام سعد مع انها بدأت تعجز ولكن صايرة حلووة...................

بدأ ال دي جيه يشتغل والبنات قاموا يرقصوا والحريم يناظروا فيهم ...جلسوا فترة مع بعض ورجعوا يرقصوا...وهيلة وهي ترقص ماانتبهت لقبعتها انها بدت ترجع لورا شوي وطلعت قرعتها....ويوم خلصت الاغنية قامت تسولف مع البنات وهي مو منتبهة لشعرها وكانت البنات يناظرونها ومتعجبين من قرعتها بس ما حبوا يسألوها ويحرجوها..اما بلقيس كانت جالسة في كوشة بسيطة وحواليها ورود طبيعية وصناعية

طبعاً فتحية ماغاب عن عينها منظر الورود وقالت والله الا اقضي عليهم ..واثناء رقصها جت المصورة بالكاميرا الفيديو وقامت تصور بلقيس...

فتحية بانبهار: شنو هذا سهان؟!!!!!

سهان وهي لايعة جبدها:هذا تصوير فيديو

وقفت فتحية عن الرقص وقامت راحت للكاميرا تطل بوجهها وتعود تروح...تطل...تروح...المصورة لاعت جبدها من الصفاعة بس هي عرفت انها اخت العروس وماحبت تحرجهم....فتحية رجعت تطل على الكاميرا<على بالها انها محطة السعودية > والمصورة تباعد الكاميرا عنها ..فقامت فتحية تطلع بس اصبعينها السبابة والوسطى < علامة النصر يعني على شكل رقم7>..ولما طفشت منها المصورة راحت عنها وقامت تقبع في الورد الطبيعي والصناعي وتخشه في صدرها لليوم الاسود<مع انه مليان شوك بس تتحمل "من اجل ورود تكرم مدينة"هذا المثل اللي يناسبها>....

وانتهت الحفلة وجا الوقت اللي تدخل فيه بلقيس على سعد....كانت متوترة وخايفة وهو نفس الشي ....جلست على الكنب تنتظره وهي تفرك اياديها ببعض لحد ماطلع اللواف ....جا وكان حامل في ايده كيس وباقة ورد ووراه اهله يزفونه دخل وسلم عليها وكانت واقفة وعطاها باقة الورد ...وجلس معاها وقام يلبسها الشبكة والدبلة ..وقام يقطع الكيكة معاها ويأكلها وتأكله وبعدين شربته كاس العصير ...وقام يشربها العصير بس بلقيس بعد ماشربت العصير جتها نوبة من الغازات وتجشت بصوت عالي وطلع دخان اخضر من فمها...واستحت....ولما ظلوا لحالهم قاموا يسولفوا شوي ..وعطاها جوال من الجوالات الحديثة ....وبعد السوالف قرروا يروحوا الغرفة يرتاحوا لان هذا الزواج وما في غيره.......

.........................

في بيت ام شاهين...

ام شاهين: شفتوا فتحية وبلقيس وامها شلون طالعين والله ماعرفتهم

مرزوقة: أي..صايرين كشخة مرّة وفساتينهم روعة...

ام شاهين: حتى اهل المعرس طالعين جنان...شفتوا سهان كيف طالعة؟

هيلة: احلاهم والله ....مثل القمر احسها بنت واعية مع صغر سنها...

ام شاهين: شرايكم لو نخطبها لشاهين؟

مرزوقة: سهان تصير مرت اخوي ..وناسة والله

هيلة: تتوقعين شاهين بوافق على الزواج منها.؟

ام شاهين:حاصلة له بنت مثلها...اكيد بوافق...بس قولي هي بترضى بواحد حافي منتف...

مرزوقة:مادري والله بس هم متواضعين يعني هذاكم خطبوا بنت الجيران وهي حافية منتفة

مبارك كان داخل البيت ويوم سمع ان بنت الجيران انخطبت جن عقله

مبارك: أي وحدة فيهم؟

هيلة: ليش انت تعرفهم بعد؟

مبارك بعصبية: أي وحدة الكبيرة والا الصغيرة؟

مرزوقة بتعجب: الكبيرة .....ليش خفت يعني...لا يكون القلب حاب الصغيرة وانا مادري؟

مبارك تلون وجهه بألوان الطيف السبعة....وراح عنهم المهم ان اللي في باله ما راحت

..........................................

في بيت ام فوزي..

فتحية دخلت الغرفة ولأول مرة بلقيس ماتكون موجودة معاها في نفس الغرفة ..حست بالوحشة...وقررت تنام مع امها...

ام فوزي: ليش مانمتي؟

فتحية: ابي انام عندش يمه..اذا ماعندش مانع

ام فوزي فهمت لبنتها : تعالي نامي ..انتي عاليمين وانا عالشمال

وانبطحت مع امها ....وامها على طول نامت لانها تعبانه ..وفتحية تفكر متى يجي الدور عليها ...وحاولت تنام بس امها قلبت على جهة فتحية وهي تنفخ في وجهها وفتحية فطست من الريحة ..وماقدرت تستحمل اكثر...تستحمل الوحدة ولا الريحة....
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 21:35

في الصباح.....جلست بلقيس من النوم وسعد كان جالس قبلها بس ما حب يوعيها كان يناظر فيها ...

بلقيس: صباح الخير حبيبي< قالتها وهي مستحية>

سعد ابتسم: صباح النور حياتي<بايعينها>

بلقيس: فطرت؟

سعد: اقدر افطر من غيرش....وهني حس سعد انه زودها شوي...خليني انزل اشوف الفطور واركبه لج...

بلقيس: خليني انزل معاك ..واسلم على عمتي بالمرة...

ونزلوا سلموا وفطروا مع بعض وهم يسولفوا شوي ..كل واحد يحس ان الثاني مو غريب عنه...

راحت بلقيس بتدق على بيتهم بس التلفون كان خربان ..على انه يرن وما حد يرفعه..بس هو خربان ...وبلقيس كان ودها تكلمهم لانها اشتاقت لامها

بلقيس: ماحد يرد في البيت

سعد: خليني اوديش لهم العصر ومنها نطلع نتمشى شوي

.........................................................................

ولما جا وقت العصر راحت بلقيس تزور اهلها ..

ام فوزي اشتاقت لبنتها مع انها امس شافتها بس غير لما البنت ماتنام جنب امها

بلقيس: خدي فتحية البيجر هدية مني لش ما احتاجه الحين ..سعد شرالي جوال

فتحية: شكراً يا اكرم اخت في الدنيا...جوالش مثل صالحة ولا احلى؟

بلقيس بفخر: لا اجدد منه بألف مرة هذا فيه نغمات اغاني وموسيقى وفيه كاميرا بعد

فتحية : حلفي...لازم تفتخري فيه قدامها مثل ما تسوي

.............................................................

فوزي كان جالس في بحر الزور <على فكرة هالبحر يروحوا له العشاق والرومانسيين >

كان يفكر وهو متضايق....ويقول في نفسه ان بلقيس اصغر منه وتزوجت...وولد خاله خطب وحدة قبل بلقيس وهو اصغر منه...وعمره26سنة ولحد الحين ماعنده مهر او بنت في باله...لا ..لازم اتحرك على عمري..واكمل نصف ديني...واذا على المهر الله يفرجها عليّ....

..................الساعة 8 المغرب رن جوال سعد بنغمة "من العايدين ومن الفايزين..انشالله.حقت محمد عبده اللي يحطوها في محطة السعودية كل سنة بمناسبة العيد" هذي النغمة مخصصة لبلقيس هو كان محتار بين هالأغنية وأغنية " وين الملايين..الشعب العربي وين..اللي عن فلسطين"

سعد: هلا بلقيس

بلقيس بحيا:شنو نسيتني ...ياللا تعال

سعد ما كان يسمع زين لان في صوت صياح في بيتهم: شنو هالصوت كأنه احد يصيح؟

بلقيس: أي هذي فتحية تصيح لان امي ضاربتنها بالمخمة السورية ..

سعد: وليش تضربها ..هي كبيرة مو؟

بلقيس: أي عمرها14سنة..بس امي تضربها لانها كانت تعلمها الصلاة من 5سنين ولحد الحين ما حفظتها ...

سعد لاعت جبده:المهم..جهزي نفسش..اذا رنيت رنه يعني انا عند الباب ..

بلقيس:اوكي باي ...

وبعد ربع ساعة رن جوال بلقيس بنغمة "يا طيبة يا طيبة "مخصصة لسعد وقامت سلمت عليهم وطلعت ....بعدها جا فوزي لأمه: يمه في موضوع خاص ابي اكلمش فيه

ام فوزي:خير ..

فوزي: يمه انا صار عمري26وللي بعمري عندهم أولاد وانا ابي اتزوج بس عليش تختاري البنت

ام فوزي: اختار البنت مو مشكلة بس منين لك مصاريف الزواج..والمهر..ووين بتسكن البنت اللي بتاخدها؟

فوزي: خالي قال لي اذا احتجت أي شي لايردك الا لسانك...وقال انا الحين بحسبة ابوك

وعلى طاري ابو فوزي ام فوزي تذكرته وخنقتها العبرة وقامت تصيح<منافقة>

ام فوزي: خلاص اكلم خالك واشوف..بس اذا ما رضا ...انا ادبرها لك

............................................



بعد اسبوع من هالأحداث راحت ام فوزي لأبو سعد تفتح معاه الموضوع من غير علم فوزي وطبعاً بلقيس اللي ودتها

بعد السوالف ..ام فوزي: انا يابو سعد جايّه على الله ثم عليك وبغيتك في خدمه

ابو سعد: آمري واطلبي....انتي اختي الوحيدة يا ام فوزي

ام فوزي تبلع ريقها الاصفر:انت ما عندك الا ولد واحد وزوجته...وانا ولدي ما بتغمض لي عين الا اذا زوجته بعد...وانت ادرى بحالنا تدهورنا بعد وفاة المرحوم "وقامت تصيح دموع التماسيح"

ابو سعد: الله يرحمه...كملي..

ام فوزي: ولدي وده يعرس بس ماعنده مصاريف الزواج ولا حتى مهر او مكان يسكنها فيه وشغلته ما تجيب شي..ووده لو انك تساعده

ابو سعد يفكر: طيب لو عطيته المهر ومصاريف الزواج..وين بسكنها؟

ام فوزي:ادري...بس يمكن هي ترضا انها تسكن معانا..ماتدري

ابو سعد: انا عندي حل....بترك الشغل اللي ما منه فايدة ويشتغل بمحل ثاني

ام فوزي: ومن اللي يقبل في واحد مثله؟ماعنده شهادة

ابو سعد: الواسطة افضل شهادة ..انا اشغله عند صاحبي ..والمهر بكون عليّ ..بس الشقة يجمعها من راتبه كل شهر ..وقولي له يمرني بكرة بأوراقه..

ام فوزي عجز لسانها عن النطق : كيف ارد هالجمل لك <قصدها الجميل>والله يسعدك مثل ما فرحت ولدي

...........................................الحين الهم الاكبر راح عنها بس من البنت اللي بتقبل في فوزي ..................................

..................................
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 22:02

في بيت ابو شاهين

ام شاهين :شاهين تعال معاي الغرفه ابغاك شوي

دخل شاهين لأمه الغرفة :خير يمه ؟

ام شاهين :ياوليدي الحين عمرك 25 سنه وانت في سن الزواج واللي بعمرك تزوجوا وصار عندهم اولاد وانت ياوليدي متى يجي الدور عليك وتتزوج ؟

شاهين :يعني انا قاعد على جبدج يمه ؟

ام شاهين :لا مو قصدي بس انا ودي اشوف احفادي قبل ما اموت ها شرايك ؟

شاهين :انا ودي اتزوج بس ما عندي مهر ومعاشي يا دوب يأكلني وأنا كلمت ابوي في الموضوع

وقال انه بيكلم الجمعية الخيرية عشان يساعدوني بس لحد الحين ما ردوا علينا

ام شاهين :انت في بالك بنت محددة ؟

شاهين :لا انا كنت با كلمك عشان تلاقين لي بنت الحلال

ام شاهين :وانا في بالي بنت هي زارتنا من قبل وهي صديقة خواتك بصراحه جمال واخلاق وادب والنصوص وعنقريزي ..<قصدها انجليزي >وقواعد وتوحيد <خرفت المرة >اقصد انها حلوة مرة ومناسبة لك

شاهين :من هي يمه

ام شاهين :البنت هي سهان بنت خال فوزي

شاهين :يمة اذا كانت تشبه ام الاسنان الذهبية انا ما بيها

ام شاهين :لا سهان اجمل واحلى وابشرك اسنانها نظيفه وتلمع

شاهين :الحمد لله ..زين يمه اذا الجمعية ما ساعدتنا من وين اجيب المهر وتكاليف الزواج ؟

ام شاهين :تاخد قرض من البنك

شاهين :خلاص باروح أنا مع ابوي في اقرب فرصة ان شاءلله الى الجمعية



ام شاهين:على خير انشاءلله

...............................................................

بعد اسبوع من هذي الاحداث

في بيت ابو سعد

بلقيس كانت جالسة مع سهان ومرت خالها وسعد كان يسبح... بلقيس قررت انها تروح لرجلها راحت له شافته يصيح بقوة <رجعت له الحالة > بلقيس اول مرة تشوفه يصيح خافت عليه راحت لعنده

بلقيس :سعد شفيك وشصاير ؟

سعد ما يقدر يتكلم من شدة صياحه وبلقيس ماعرفت وش تسوي راحت الى سهان

بلقيس :سهان الحقي على سعد يصيح بقوة ماادري ويش فيه

سهان ما تعرف شتقول لها :لا تخافي عليه ..يعني هو حساس واجد انتي روحي له وفهمي السالفة منه

سعد وهو يصيح بقوة :واااح أنا أنا مصاب اهيء اهيء انا مريض

بلقيس بخوف :مريض بشنو ؟

سعد :ااااه اهيء اهيء مرضي ما له علاج اهيء اهيء

راحت بلقيس الى سعد :سعد حبيبي شفيك ؟انت مريض بشنو ؟

تتوقعوا سعد مريض بشنو؟

وتتوقعوا بلقيس بتترك سعد عشان المرض اللي يتكلم عنه ؟

تابعونا في الجزء الجديد مع احداث جديده ومشوقه



..............................................

الجزء الاخير

بلقيس :سعد حبيبي شفيك ؟انت مريض بشنو؟

سعد :مرضي خطير وما له علاج اهيء أنا مريض اهيء أنا ادري انج بتتركيني عشان ها لمرض وأنا با طلقش مع اني احبج لكن ما ابغاك تتورطين معاي بهذا المرض لانه يعدي وأنا اخاف عليج

بلقيس :سعد خوفتني قول وش فيك ؟أنا مستحيل اتركك مهما كان المرض خطير ويعدي <وجلست تصيح >سعد أنا احبك مستحيل يفرقنا أي شي حتى لو كان المرض خطير

سعد :وأنا بعد بس انا مااقدر اخليش تتورطي معاي في هذا المرض الخطير اهيء اهيء انا يا بلقيس اعاني من اهيء اهيء من مرض الاسهال المزمن يعني ما يفارقني طول حياتي اهيء

بلقيس عصبت: الحين تقول مرض ومرض خطير آخرتها إسهال...

سعد:وتستهيني في هالمرض!...اقول لش 24ساعة حمام ...حتى ذاك المكان تقرح ليّ ...ما تفهمي يعني!

بلقيس تعجبت من صغر عقله : الحمد لله والشكر..ياسعد الرجال مو على أي شي يصيح...خذ المثل مني يوم ابوي مات ما طاحت مني ولا دمعة

سعد: بس انا مرة حساس واحاول اني اتمالك نفسي بس مو بيدي...

بلقيس راحت عنه وهي تقول الله يعينها عليه

....................................................

ام فوزي تكلم فتحية: من البنت اللي بتوافق على فوزي الفقير المطعطع

فتحية كانت تعتقد ان مطعطع صفة زينة فقالت: طالع عليج يمه.....امممم بصراحة ما اعرف غير بنتين....مافي غيرهم وانتي اختاري وحدة منهم

ام فوزي: من تقصدين؟

فتحية: سهان....أو مرزوقة بنت الجيران

ام فوزي تفكر: سهان صغيرة عليه...ومرزوقة تناسبه في السن ..وهي مصفعة على طول بتوافق عليه...خلاص اسأل اخوش...ونروح نزورهم اقرب وقت

...............................................

بعد اسبوع....

شاهين بفرحة: يمه كلمت الجمعية ووافقوا عليّ على طول ما ادري ليش< نسيت انك تشتغل سفاط سمك>

ام شاهين: والله....الله يبشرك بالخير ...انا نادرة اذا عطوك اوزع بمبر

شاهين: بمبر؟...من وين لنا البمبر؟

ام شاهين: في مزرعة قريبة من هنا ما ادري حقت من بس عادي باقطع منها....المهم...خلينا نحدد موعد نروح نزور اهل البنت

شاهين: الحين انا مشغول في هالفترة..لو تأجلوها كم اسبوع بكون افضل

ام شاهين: خلاص واحنا بعد نتعرف عليهم اكثر.....اسمع..اليوم بجونا ضيوف وحتى ابوك بجوه ضيوف وقال لي ان انت لازم تكون موجود....

شاهين: ضيوف؟....من؟

ام شاهين: بيت جيراننا بيت ابو فوزي..الحريم والرجال

شاهين: اللهم اجعله خير

..............................................

فوزي كان متوتر... طبعاً ابو سعد جا حتى يخطب لولد اخته...فوزي صار له اسبوع وشوي في وضيفته الجديدة ومرتاح فيها ..اشترى له ملابس جديدة وجوال وعطورات ..وهذي الفلوس جزء من المبلغ اللي عطاه اياه خاله...

فوزي: يمه مو كأننا تأخرنا...ياللا خالي ينتظر في المجلس من زمان

ام فوزي: ياللا بلبس عباتي وباجي

.....................................

في بيت ابو شاهين ...استقبلوا الضيوف والرجاجيل في المجلس ..اما الحريم ضلوا يسولفوا شوي بعدها ام فوزي قامت تتكلم عن الزواج ومصير البنت..الخ

وفتحية كانت جالسة جنب مرزوقة على الارض ويلعبوا "درام بام بس"

ام فوزي: احنا جايين نخطب بنتكم الحلوة الجميلة..

فتحية بصراخ: مانعطيكم اياها الا بألف ومية

هيلة تكمل : نوقف على بابكم ونكسر عظامكم وهذي عروستنا الحلوة الجميلة..هههههه

ام فوزي تكمل: احم...احنا جايين نخطب بنتكم مرزوقة لولدنا فوزي....كل الانظار توجهت لمرزوقة...اما مرزوقة وقفت لعب وحست بصغر عقلها...

..وفي نفس الوقت فرحت ان في احد يفكر فيها ...لا.. فوزي يصير فارس احلامي عمري ما تخيلت هالشي.

بلقيس كانت موجودة وتسولف معهم وفرحت من قلبها لأخوها...

اما الرجاجيل فأبو سعد هو اللي تكفل انه يفتح الموضوع وفوزي كان اخرس ..وابو شاهين فرح ان بنت من بناته بتتزوج اذا وافقت طبعاً..واتفقوا انهم بكلموا البنت وبعدها بردوا في اقرب وقت

.........مرزوقة كانت على طول الاجابة عندها بس ماحبت تقولها لا يقولوا مصفعة ....كانت عارفة ان ماحد يفكر فيها غيرهم واذا رفضت مستحيل بتتزوج بعدها ...وبعد 3 ايام ردت على امها بالموافقة .....وام شاهين ردت على ام فوزي بعد اسبوع ....

فوزي كان فرحان مرة وحس ان الامور تسهلت عليه وقال لفتحية تروح لمرزوقة تسولف معاها شوي وتسألها اذا محتاجة شي وان فوزي يسلم عليها...

فتحية:ماراح اصدق انش بتصيري مرت اخوي ...وناسة كل يوم بنلعب مع بعض

مرزوقة بحيا: خلاص ..كل شوي تدكريني استحي

فتحية بمكر: تبي تشوفي صورة فوزي؟

مرزوقة ولا مرة صادفت انها شافته او حتى بالصورة: عندش؟

فتحية: أي 5دقايق وتكون عندش...وراحت البيت تجيبها بس في الاساس ما كان عند فوزي أي صورة ..فقامت فتحية تدور في المجلات عن صورة شخص مشهور وجميل...شافت صورة واحد اشقر وجميل" براد بيت " وقامت قصتها وودتها لمرزوقة...

مرزوقة: الله...هذا اخوش..بالصراحة اجمل منكم كلكم...

فتحية: ادري ..خلاص انا باروح البيت الحين...

لما راحت فتحية قامت مرزوقة تتأمل في الصورة ..ويوم قلبتها شافت كتيبة وصورة وحدة تشوفها في التلفزيون"نانسي عجرم " فعرفت انها مزيفة..وخافت من الحقيقة المرة اللي تنتظرها..

بعد كم يوم اتفقوا على الشروط وقدموا المهر...وفوزي شرطه انه يملج ويتزوج في ليلة لان ابوه توه متوفي..وهم وافقوا..ومرزوقة بتسكن في شقة جنب العمارة...حجزت الفستان والكوافير..والعرس بكون بعد شهر...

وبلقيس وفتحية حجزوا كوافير ثاني لان الاولي مستحيل يقبلوا فيهم بعد اللي سوته فتحية.....

......................وجا يوم الزواج .....في الكوافير

الكوافيرا: من اللي بتبدي في شعرها؟

فتحية على طول: بلقيس لأني مو مستعدة شعري ما نشف< وهي في بالها تستكشف المكان وتلعب بالأجهزة>وراحت بلقيس وظلت فتحية بروحها وعلى طول قامت تفتش في المكان...دخلت غرفة الاستشوار الثانية وكانت هالغرفة لتعديل العرايس بس اليوم ماعندهم عروس فصارت فاضية ...قامت فتحية تشغل وتطفي في الاستشوار حتى تقارن من اللي يتحملها اكثر..استشوار هذا الكوافير او الكوافير اللي قبله...وهي تشغل وتطفي...تشغل وتطفي ...لحد ما صار يشفط..وهو 220فولت فشفطها ووقف شعرها وصار مثل الشمس وقت الظهر....شافت شي غريب..ماتعرفه اصلاً <روالات شعر> وقامت خشت منهم4في صدرها لليوم الاسود...احتاجت للحمام...فدخلته وكان كبير وواسع...شافت شي مو موجود في بيتهم...شافت خرطوم مياه < هوز> هم عادتهم يتوضأوا بأبريق ..عجبها الوضع وصارت كل شوي تتوضأ..حاولت انها تخشه في صدرها بس ما قدرت انها تدخله ....كانت بتطلع بس لفت انتباهها شي..رولات الكلينكس قامت سحبته كله وخشته في صدرها لليوم الاسود....
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 22:03

مرزوقة ما كانت مصدقة انها بتتزوج اليوم..بتفارق بيت الفقر<ما تدري ان الوضع بكون نفسه>...

اشترت ليها فستان عروس ابيض ايجار...وهيلة اخذت فستان من صديقتها ..طبعاً هيلة شعرها لحد الحين ما قام ..فاشترطت يحطوا ليها باروكة ولونها اشقر...حتى امهم كانت تتعدل معاهم...وخلصوا في الليل وعلى طول راحوا المزرعة اللي بكون فيها العرس< هدية الى فوزي من صديقه..لليلة وحدة بس> مرزوقة راحت غرفة العرايس على طول وضلت معاها بلقيس فترة...اما هيلة كانت مع فتحية يلعبوا في الزراعة ...وفجأة..

هيلة: تعالي يابنت الـ...... يا.....اقول لش تعالي

فتحية: من تكلمين؟

هيلة وهي تلاحق شي: وزغة ابي اربيها

قامت فتحية تراكض معاها وهم رافعين فساتينهم يبوا يصيدوا الوزغة.....

مرزوقة كانت متوترة...اليوم العصر ملجوا عليهم وهي شافته بس كانت متغطية عجبها يعني لا بأس فيه ...بس هو ما شافها ....وسمعت من بلقيس انه ما بيدخل العرس بس بصور معاها في الغرفة وبعدين بياخذها ....وعجبها هالشي ووافقت عليه..

على الساعة11دخلت مرزوقة وحواليها اهلها وجلست على الكوشة كانت حلوة وناعمة ..

هيلة فستانها لونه ازرق وطالعة جنان خصوصاً مع لون شعرها...ام فوزي وام شاهين لابسين جلابية ...وفتحية لبست فستان اختها اللي لبسته في ملجتها ولونه ذهبي...وبلقيس مثل العروس شياكة ..وفستان جديد وغالي...

الساعة1طلعت مرزوقة لغرفة العروس لانها بتلاقي فوزي وبلبسها الشبكة وبصور معاها...

جلست تنتظره...ولما جا كان حامل في ايده باقة ورد كبيرة وحواليه اهله..سلم عليها وجلس يناظر فيها تخيلها احلى من كذا..بس تمشي الحال ..صوروا مع بعض ولبسها الشبكة ..وقطعوا الكيكة ...ولما جا يشربها الفيمتو صار ليها دغمة حمرا حوالي فمها...ولاعت جبده..وهي كانت تضحك له مو منتبهة لأسنانها اللي صارت هجين بين صفارة اسنانها وحمرة الفيمتو فصار اللون مثل لون الغروب...ولما جت تشربه العصير فرغته كله وبسرعة كبيرة لحد ما شرق شرقة وهي قامت عطته جمع على ظهره خلته يشرق اكثر مثل الحمار...<يمكن الامر متوارث بينهم>.....

مرزوقة: صحة...هني وعافية..

فوزي: الله يعافيش...

طلع الكل عنهم وظلوا يسولفوا بروحهم وبعدها راحوا لعش الزوجية <شقتهم>

خلص العرس...ما ضل الا الاهل وجت سهان بتسلم على الحريم لانها بتروح...سلمت على عمتها وبعدها ام شاهين اللي بتصير ام زوجها عن قريب..لانهم تقدموا لها وهي وافقت بس اتفقوا ان الملجة تكون بعد عرس مرزوقة وفوزي

ام فوزي: ها منتم محتاجين شي...

ام شاهين: لا والله ..كفيتوا وهفيتوا<قصدها ووفيتوا>

..........................................................................

بعد مرور4شهور ام فوزي لامة شمل اسرتها بمناسبة حمل بلقيس

فتحية: شسويتي من اطباق؟

ام فوزي بفخر:سويت 5اطباق..سمعي...بمبر مقلي..بمبر مفيوح...بمبر بالطريقة الصينية..صالونة بمبر....سندويتش بمبر<البمبر سارقتنه من مزرعة الفريق>

فتحية:واااااااااااااو اليوم عشانا هاي....

بعد فترة جت بلقيس وهي مستحية ..لان الكل يبارك لها حتى فوزي...

فتحية: شقال سعد لما سمع انه بصير ابو؟

بلقيس تتذكر لما قالت له انها حامل قام يصيح وردت له الحالة اللي تعودت عليها وقال ان تربية الاولاد مسؤولية ويبيلهم مجابل24ساعة....ايقنت بلقيس انها بتربي ولدين اللي في بطنها وسعد..

ترد بلقيس على اختها: فرح مرة وقال ابي واحد كل سنة

فتحية: شراح تسميه اذا ولد وبنت؟

بلقيس بفخر: مفاجئة
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/18/2009, 22:05

فتحية كانت في شقة اخوها قاعدة تلعب معاهم ....وكان فوزي ساجد ومغمض عيونه..مرزوقة تفلصه بقوة وتعوج جلده ..وفتحية كانت تضربه

فتحية: من اللي ضربك ومن اللي فلصك؟

قام فوزي وفيه دموع لان فلاليص مرزوقة تألم..:اهيء اهيء..فتحية فلصتني..ومرزوقتي ضربتني..

فتحية: هههه غلط..ياللا ارجع الدور عليك....دور..

رجع فوزي سجد وهو منقهر....

مرزوقة بعصبية: خلاص...بس كفاية ما استحمل الريحة اكثر من كذا..لاتهدهد في وجهي<مصاب بالغازات>..وراحت عنه مرزوقة وهي زعلانة.....وطبعاً هذا حالهم كله تزعل وفوزي ما يقدر على زعلها على طول يراضيها <يحبها>

..................الـــــــــــــــــــــــــــــــــنهـــــــــــــــــــــا يـــــــــــــــــــــــــــــــــــة.....

تمت..............

بعد مرور سنتين....

بلقيس جابت توأم ولدين وسمتهم ...مكي وفتحي....يعني هي ام مكي..

فوزي جاب بنت وسماها....زليخة لان هيلة قامت تصيح الا يسموها زليخة..على اسم نفاختها اللي ماتت الله يرحمها...

فتحية ..تنتظر مبارك اللي صار يشتغل انه يدق بابها ويخطبها....

هيلة...تحاول تعقل روحها بس كل محاولاتها بائت بالفشل....فقررت انها تدرس من جديد....

سهان تزوجت شاهين وصايرين مثل عصافير الحب..جابو بنت وقررت سهان تسميها سهام تعوض عن اسمها الاصلي اللي غلطوا فيه..بس تجري الرياح بما لا تشتهي السفن لان شاهين كان متزكم لما راح يسجل اسمها فسمعوا الاسم سهاب ..وصار اسمها كذا..وشاهين عجبه الاسم وما رضا انه يغيره.....

والى هنا انتهت الرواية والكل عاش بسعادة وهناء وزليخة وريّا وسكينة ....

...............................................................

اتمنى ان القصة قد نالت اعجابكم....بس هذا فراغ الاجازة وما يسوي...سامحوني اذا اخطأت في الكتابة او لوعت جبودكم....بس حبيت اني اضيف نكهة من صنعي.......لا اكذب ان بعض المواقف صارت حقيقية ......بس مو لي....

الكاتبة:~GOMER BA7RY~ او حلاتي بحركاتي....

@A@

الكاتبة الثانيه : احلى بنوته
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/19/2009, 18:18

ليش ماتردون على مواضيعي والله حراااام

زعلتوني منكم ترا اني اللي كاتبه القصه يعني مافي تشجيع ابد
شكلي يطلع من المنتدى مافي تجاوب في المواضيع اول كنتوا تقولون ان ايام عاشوراء وتتسمعوا ومشغولين
واني عذرتكم قلت اكيد مشغولين بس الحين ماعندكم شي ليش تحبطوني كذا!!!!
الرجوع الى أعلى الصفحة اذهب الى الأسفل
دموع الشوق
اسير فعال
اسير فعال
avatar

انثى
تاريخ التسجيل : 31/08/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/21/2009, 21:19

يسلمووووووووووووو خيتوه على القصة

سلمت هل انامل
الرجوع الى أعلى الصفحة اذهب الى الأسفل
وسام
اسير محترف
اسير محترف
avatar

انثى
تاريخ التسجيل : 30/08/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/21/2009, 22:28

تموت من الضحك
صحيح القصه طويله .....بس عن جد لش مستقبل
موفقه سوسو...........
الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/22/2009, 15:22

يسلمووووووووووووووووو عالردود حبايبي ماتقصروا
الرجوع الى أعلى الصفحة اذهب الى الأسفل
زهرة العبير
مشرفة اسير اهل البيت و العام
مشرفة اسير اهل البيت و العام
avatar

انثى
الموقع : ..~ قـــــ ح ـبيبي ـــلب ~..
العمل/الترفيه : ..~ في عآلــ الخآص ـــمي ~..
المزاج : ..~ ع ـأإأإأإأإأإأل الـ ع ـأإأإأإأإأإأل ~..
تاريخ التسجيل : 05/09/2008
هل انت من موالي؟؟ : مواليـــــــه وآفتــ خ ـــر
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/25/2009, 05:44


يســــــــــــــلمو


الله يعطيج العافيه


مووووووووووووووووووووفقه خيتوو

`·.¸¸.·¯`··._.· (تــوقــــيـــع الـعـضـو) ·._.··`¯·.¸¸.·`


الرجوع الى أعلى الصفحة اذهب الى الأسفل
يقولون لي قشطة
مشرفة اسير عالم حواء
مشرفة اسير عالم حواء
avatar

انثى
العمل/الترفيه : أنا والدنيا أعداء
المزاج : مجنووونهـ
تاريخ التسجيل : 07/10/2008
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   1/26/2009, 02:17

يعطيك الف عاافيه

لاعدمنااك

قشطة

`·.¸¸.·¯`··._.· (تــوقــــيـــع الـعـضـو) ·._.··`¯·.¸¸.·`


الرجوع الى أعلى الصفحة اذهب الى الأسفل
احلى بنوته
اسير فعال
اسير فعال


انثى
العمل/الترفيه : الشعر
المزاج : مرح
تاريخ التسجيل : 23/12/2008
مزاجك اليوم :
المهنه :
mms :

مُساهمةموضوع: رد: قصة حب من العصر الحجري .....ادخل وش تستنى ؟؟   2/4/2009, 18:41

مشكوووووووورين على ردودكم بس ياليت اللي يقراها
يقولي وش الاشياء اللي تخرب الروايه ...عشان اتعلم من اخطائي
الرجوع الى أعلى الصفحة اذهب الى الأسفل
 
قصة حب من العصر الحجري .....ادخل وش تستنى ؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسـير الـروح :: ♥ஓ♥ ْ اســـير الأدبيـ والشعريـ ْ ♥ஓ♥ :: ¨°•√♥اسير اجمل القصص♥√•°¨-
انتقل الى: