منتديات اسـير الـروح
هلا و مرحبا بكم في منتديات اســــير الــــروح
تفضلوا معنا وسط اسرتنا المتواضعه و لا تنسون تسجلون معنا
وترى الرساله هذي وراكم وراكم زي ماتقولون نشبه في حلقكم
منتديات اسـير الـروح
هلا و مرحبا بكم في منتديات اســــير الــــروح
تفضلوا معنا وسط اسرتنا المتواضعه و لا تنسون تسجلون معنا
وترى الرساله هذي وراكم وراكم زي ماتقولون نشبه في حلقكم
منتديات اسـير الـروح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات اسـير الـروح


 
الرئيسيةالبوابةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
المواضيع الأخيرة
» بضاعتي الجديدة
قصة امل وابن عمها محمد Icon_minitime3/26/2012, 08:46 من طرف محتاره معاك

» (شي + شي)= الله يستر
قصة امل وابن عمها محمد Icon_minitime5/30/2011, 09:06 من طرف شروق الامل

» لو معك طباشير او فحمه وش تكتب على جدار المنتدى؟؟
قصة امل وابن عمها محمد Icon_minitime5/30/2011, 08:50 من طرف شروق الامل

» حط مبلغ واللي بعدك يقول وش بيسوي فية000
قصة امل وابن عمها محمد Icon_minitime5/30/2011, 08:49 من طرف شروق الامل

» اعترف احسن لك
قصة امل وابن عمها محمد Icon_minitime5/30/2011, 08:48 من طرف شروق الامل

» متجر نيو ستايل
قصة امل وابن عمها محمد Icon_minitime1/5/2011, 09:14 من طرف المميزة

» زوروني............. وشفوا بضاعتي المتواضعة تجدوا ما يسركم ...
قصة امل وابن عمها محمد Icon_minitime1/4/2011, 05:29 من طرف المميزة

» قبل كل شيء صلو على محمد وآل محمد
قصة امل وابن عمها محمد Icon_minitime12/29/2010, 08:35 من طرف أم جنان

» ساعات شوجي
قصة امل وابن عمها محمد Icon_minitime12/29/2010, 08:17 من طرف أم جنان

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
أفضل 10 أعضاء في هذا المنتدى
شروق الامل
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
نور الزكية
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
زهرة العبير
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
أم جنان
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
عاشقة الورد
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
موج الغلا
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
عاشقة الشيخ الاكرف
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
ابو عبدالله
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
يقولون لي قشطة
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
وسام
قصة امل وابن عمها محمد Emptyقصة امل وابن عمها محمد Emptyقصة امل وابن عمها محمد Empty 
المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 73 بتاريخ 3/4/2024, 01:02
منتدى

 

 قصة امل وابن عمها محمد

اذهب الى الأسفل 
3 مشترك
كاتب الموضوعرسالة
روح شروق
اسير فعال
اسير فعال
روح شروق


انثى
المزاج : لا يأس مع الحياة
تاريخ التسجيل : 04/02/2010
هل انت من موالي؟؟ : بالطبع
مزاجك اليوم : قصة امل وابن عمها محمد 2210
المهنه : قصة امل وابن عمها محمد Profes10
mms : قصة امل وابن عمها محمد KiNG-amniaTe

قصة امل وابن عمها محمد Empty
مُساهمةموضوع: قصة امل وابن عمها محمد   قصة امل وابن عمها محمد Icon_minitime3/1/2010, 05:28

قصة امل وابن عمها محمد

مرحبا

جايبه لكم اليوم قصة طويلة بس حلوه

أتمنى تنال أعجابك

أنا "أمل"أبيكم تسمعون قصتي ومعاناتي من البدايه للنهايه بشرط تقرونها كلها عشان تعيشون قصتي__وأبي البنات يستفيدون من قصتي كثير..قاعده أكتب لكم قصتي ومعي ولدي سعد عمره سنتين وقاعده اطالع عيونه وابكي لانه يذكرني بعيون أبوه إللي ماراح انساه طول عمري..عيشو القصه أول باول_
أنا"أمل"عمري 24سنه عندي أخو واحد وأختين وحده أكبرمني متزوجه"هدى"وثانيه بالمتوسطه أصغر مني بداية
حياتي كان عندي مشكله لاوالله كان بالنسبه لي كابوس خطير يطاردني اسمه"محمد"هذا المخلوق الذي ناشب لي في حياتي مشكلتي ماظن لها حل مشكلتي مع ولد عمي"محمد"حاجزيني له من يوم حنا صغار أبوي الله يسامحه عطى عمي كلمه من يوم عمري خمس سنوات وقال:أمل لـ"محمد"
اللهم لا أسألك رد القضاء ولكن اسألك اللطف فيه وطبعا ً"الحجز" وعادة عند بعض القبايل أن البنت يحجزونها لولد عمها لين تكبر وتتزوجه وطبعاً أنا الضحيه حيروني لـ"محمد" لاياربي كل شي إلا"محمد"ياليتكم بس تعرفونه والله حفله..وجهه كنه افلام كرتون..سبحان من كون هالأنسان على بعضه والله من يشوفه الواحد يموت ضحك مدري كأن مكتوب على وجهه نكته!(الرجال مخابر مو مناظر)بس أنا أقول(الرجال مخابر مو من اصحاب المقابر)اللهم لاشماته!غير شكله الأسطوري .. عندك اسلوبه وطريقة كلامه مايدري وين ربي حاطه..مايفهم حيل "مفهي" مايدري وش السالفه!! مكتوب علامة تعجب فوق راسه لونها أحمر وتأشر!!غير كذا فاشل بدراسته وسقيط ياخذ السنه بسنتين وانسان مايعرف يتكشخ الكشخه يمين وهو شمال!المهم طولت سب بهالمسلم .المهم مايناسبني حييل أناوياه تجاه متعاكسطرت طيران على أمي وضميتها وقلت:تكفين يمه تكفين مافيه مجال تغيرون رايكم مستحيل آخذ "مطلق"تكفين أقنعي أبوي!أمي:أسكتي لايسمعك أبوك..والله لايذبحك..وش فيه"محمد"على ألأقل محد ضحك عليه!!
أمل:محد ضحك عليه؟!ألا أنا كل ماشفته مت من الضحك
أمي:يابنيتي ..بكرى زواجك على ولد عمك..لاتضايقين روحك أستانسي وساعدي نفسك
أمل:بكرى ! ! ! مستحيل! يمه مو كنكم أجلتوه الأسبوع الجاي؟؟
أمي:خبله أنتي؟؟أنتي تدرين أن يوم زواجك بكرى!
أمل: آه آه آه يمه أتمنى آخذ قدري من الحياة أطول وقت ممكن قبل أقابل خشة"محمد" من كثر ماآكل حبوب منومه عشان مافكر بديت أنسى!!
جلست أمي تقرى قران علي والدموع على خدها لأن مابيدها حيله الكلمه كلمة أبوي وابوي مستحيل يتراجع..جلست لحالي أنا والهم ومبكرى زواجي!!معقوله!! أحس الموت قرب مني..بكرى زواجي وأنا أتعس أنسانه بدنيا شلون أهرب من الواقع المرير!وش أسوي معقوله أسلم نفسي له وأنا بكامل عقلي!!(نجوم السماء أقرب له..هين يا مطلق أنا أوريك)قمت من فراشي وفتحت درج صغير جنب سريري وطلعت البوم صور لي لماكنت صغيره.وفيه صوره لي أنا و"محمد"يوم كنا صغار مع بعض!!!(بس لو أعرف منهو اللي مصورنا مع بعض الله لايعافيه)ورجعت بذكرياتي لورى لما كان عمري خمس سنوات..أيام الخطوبه(ههههههه على خمس سنين)وكنت دايم أتهاوش معاه(سبحان الله من يومي صغيره ماادانيه)! ! !بس هو كان يحبني ومايضربني وكان دايم يشتريلي حلويات!(يبي يكسب رضاي)كانو بيت عمي قدامنا وبجنبهم بيت"أحمد"
"أحمد"حبي ألأول"أحمد"الطفل المدلل بالحارهكان عمره6سنوات..دايم يتهاوش معه"محمد"وصراعات مستمره بينهم طبعاً بسببي!!أنا بس العب مع"أحمد"ونتهاوش مع"محمد"محمد كان يغار من"أحمد"ومره شافني طولت لعب معه..سحبني بشعري بقوه وقال لي:أدخلي ولاأعلم أبوك
أمل:أنقلع مالك دخل
محمد:أنا زوجك لازم تسمعين كلامي.تفشلت قدام"أحمد"
ورحت للبيت مسرعه لأمي وقلت لها عن كلام"محمد"ضحكت أمي وقالت:أيه يابنتي أنتي زوجته ومن تكبرون بنزوجكم.
استغربت أنا وقلت:يمه بس أنا ماادانيه شكله يضحك
أمي:ماعليك بكرى يكبر ويزين وتساوى خشته..! ! !~
من وقتها وأنا كل يوم تطلع فيه الشمس أركض لبيت عمي وأشوف"محمد" هي تساوت خشته ولا لا؟! !!
وكنت دايم اقول في نفسي~معقوله يكون صدق!!معقوله أصير مثل مصير أختي"هدى"إللي زوجوها أهلي لولد عمي بالغصب! ! !
اذكر في ذاك اليومكنت طالعه من المدرسه رايحه للبيت بسرعه مشي لأنه قريب من المدرسه يوم قربت من البيت..إلاالمح " أحمد"عند باب بيتهم جالس..ياالله من زمان ماشفت هالوجه إللي يفتح النفس..قرب مني والبسمه في وجهه
أحمد:سلام أموله وينك من زمان ماشفناك!ولاعشان كبرتي وصرتي تلبسين عبايه شفتي نفسك علينا؟
أمل:لاوالله يا أحمد بس اخوي يهاوشني يقول أنتي كبرتي عيب تلعبين معهم فجاءه ودون سابق أنذار !!ماطالعت إلا الغبره جايه من بعيد...! ! ! إلاأبو الشباب"محمد"جاي مسرع وهو إللي يلبق نعوله عندنا..(طبعاً هو مايعرف يسولف ولايتكلم إلا إذا فسخ نعوله! ! يقول آخذ راحتي بالكلام أكثر! !!<<<هذي معلومه بسيطه لا أكثر عن الفتى الأسطوري..المهم وهو اللي يسحب"أحمد"من عند رقبته ويقوله :وش عندك مع بنت عمي؟؟وأنا إللي أدفه وأقوله:عيب يا"محمد" أحمد ماسوى شي
محمد:أقول لا عاد اشوفك مسلم عليها او تراني بدعس وجهك!أنا هناء عصبت وأنا إللي اقوله وش تبي مني انت عيب عليك..
دخلت مسرعه للبيت لأن كنت خايفه يجيني الرد على طول..بس الحمد لله ستر اللهرحت لأمي وسألتها:يمه وش سالفة "محمد" ؟؟وقلت لها وش صار لما طلعت من المدرسه ووش قال محمد بعد.. قالت امي من حقه ولد عمك ويغار عليكي .
قلت لها:ليكون مخبين عني شي وانا ماني داريه؟؟هنا أمي فهمتني السالفه وسالفة حجزي ل"محمد"أنا صرخت:يمه لا .. مستحيل محمد!! لايمه أكيد تمزحين..أكيد مسويه معي صادوه!!قعدت أبكي بكاء هستيري ضمتني أمي وهي إللي تبكي معي أمي:ياحبيبتي هذا الكلام من زمان..ماتدرين لو أبوك يغير رايه فيه..وبعدين توك صغيره أنسي ياحبيبتي..
أمل:وشو صغيره؟؟تبون تكبروني وتزينوني وتسمنوني وتهدوني له؟؟قولي يمه من الحين إذا الكلام جد خليني أتلاحق عمريمابي أصير مثل مصير أختي "هدى"!!-----مرت الأيام وشهور محد جاب لي طاري الكل مسكر على الموضوع ..أنا كنت أشجع نفسي وأقول مستحيل يعني من سابع المستحيلات آخذه!جانا خبر أن أهل"أحمد"أنتقلو للخارج بسبب شغل أبوه ضلينا أنا وياه متصلين مع بعض عبر الأيميل وكان دايم يطمني أنه راح يجي ويتزوجني!
--------------------
"محمد"صار يسير علينا دايم ويجيب لي هدايا (غصب إلا يحببني فيه)صحيح يحبني ويموت فيني..بس القلب مايبيه والعين ماتطيق شوفته
---------------
صحيت من تفكيري العميق على صوت أمي وصورتي أنا و"محمد"بيديفتحت الباب لأميقالت لي:ياالله حبيبتي أستعدي الحين بتجي النقاشه وتنقشك..دخلت علي أختي"هدى"وشافت الحزن بعيوني ضمتني وطالعت فيها وقلت: هدى كأن عندك بشرى ساره لي..كني سمعت أنهم أفرجو عني!!سمعت أن"محمد"أعتق رقبتي لوجه الله!!أمي و"هدى"قعدو يطالعون لبعض يحسبون أني أنجنيت مسحت أختي"هدى"على راسي وقالت:ماتدرين يمكن تكوني اسعد انسانه شوفي شلون أنا سعيده مع ولد عمي الحين مع أني كنت مابيه..طالعت فيها وقلت:مصدقه أني بآخذه نجوم السماء أقرب له!! أختي قعدت تطالع فيني بدهشه! ! !جتنا النقاشه..ورسمت رسمه حلوه على يديني..رفعت يديني فوق وجلست اطالع فيهم تذكرت أول ماتنقشت في الثانويه كان عندنا حفل تخرجنا في المدرسه وأنا كنت مشاركه فيه..ذاك اليوم كنت مستانسه مره بس للأسف.!رجعت للبيت وسمعت أتعس خبر بحياتي~~~^^جيت البيت إلا عندنا عمي وعياله..دخلت إلا أمي عندها مرة عمي وأختيقلبي عورني..دخلت غرفتي طوالي وقفلت على نفسي كأني كنت أهرب من شي!!صحيت المغرب على صوت باب غرفتي يدق..فتحت وعيوني نوم إلا أمي وأختي وهي إللي تخمني أمي وتبارك ليقلت بستغراب:وشو يمه؟؟؟؟
أمي:مبروك قبل شوي ملكنا لك على ولد عمك "محمد"! @! @! @ ! @ ! @ ! @ !ماصحيت من صدمتي إلا وأنا في المستشفىماتتصورون وش كثر أنقلبت حياتي فوق تحت..الدمعه ماجفت من عيوني مااطلع ولاأروح لحد..تخيلو أنتم بموقفي!!انسان ماأداني طاريه أروح وأتزوجه!!!تمر الأيام وأحس موتي قربمرت فكره في بالي قلت مالي إلا أدق عليه وأفهمه أني ماأبيهأخذت الرقم من جوال أخوي ودقيت عليه في يوم من ألأياموجاني ذاك الصوت الجهوري محمد:الوووووووو؟أمل:السلام عليكم أخويمحمد:هلا من معي؟أمل: أنا أمل بنت عمكمحمد بدهشه:يؤيؤيؤيؤ زوجتي؟؟مامداني ملكت عليك تبين تكلميني! لهدرجه ماعندك صبر وأنا أقاطعه:أسمع يا"محمد"ماني مطولتها معك أنت ولد عمي على عيني وراسي وعزيز وغالي ..بس وربي ماأفكر فيك كزوج أنت مثل أخوي..ياخيي مابيك ماحبك أموت ولا آخذككنت أنتظر رد قاسي منه بس الولد ساكت!!وبعد سكوت طويل رد علي :اسمعي يا"أمل"أنتي ماتحبيني يمكن بس أنا أموت بترابك والله يا"امل"أنك عيوني..أدري أنك مستحيه من الزواج بس والله يا"أمل"للحين ماعرفتني! أنا خاش لك مفاجآت في زواجنا!أمل:تستهبل أنت وخشتك ؟وجهك أكبر مفاجئه !!قال مفاجآت قال!ياخي خل عندك كرامه وأتركني!رد علي وصوته غير:أمل اسألك بالله ليش ماتبيني؟؟لأني ماني حلو صح؟؟مابغيت أصدمه حيل وأقول إيهقلت:غير شكلك ياخي أنت فاشل في كل شي..حنا مانناسب بعض!وصدقني إذا خذيتني بنطلق طواليسكر السماعه بوجهي الملعون ماخلاني أكمل!!
--------------------
بعدها بأيام ماصار يجينا"محمد" حتى أخوي استغرب عن سبب أنقطاعهوحتى أهل الحاره ماصار أحد يشوفهأنا هنا استانست قلت أكيد أن خطتي نجحت وكرهني وبيتركني..المهم جاء ذاك اليوم إللي الاقي فيه رساله بجوالي من رقم "محمد"كاتب فيها:أوعدك يا"أمل"أني راح أتغير وراح اسوي المستحيل عشان أرفع راسك..وراح تشوفيني بعينك حبيبك المخلص:محمد~حبتك القراده هذا مايأس مني وش ناوي يسوي؟مضت سنه كامله و"محمد"لاحس ولاخبر حتى جاء اليوم إللي قالو فيه أن"محمد"أخذ من العشره الاوائل على المملكه..الكل تفاجاء وانصدم؟
بعدها بشهور جانا خبر أنه تم قبوله بكلية الطيرانأنا هنا فطست ضحك ماأتخيل شكله حسبتها مزحه بس طلع الكلام جد!بعد شهر جتني مكالمه على جوالي منهجاني صوته حزين حيلمطلق:اسمعي "أمل" أنا مابي منك أي كلمه حبيت أقولك بكرى بسافر للخارج بكمل دراستي وراح أرجع وأنا طيار أنشاء اللهكل هذا قسم بالله لعيونك يا"أمل"لعيونك لأنك صدمتيني حيل يوم قلتي أني فاشل!"أمل"مستحيل أعيش بدونك تكفين أنتظري رجعتي~~جيت بقاطعه بقوله لو وش ماسويت مابيك لو رجعت ملك مابيك..قالي :مابي منك أي رد أحبك..سكر السماعه بوجهي
--------------------
سافر أبوالشباب للخارج وأهله يبكون على فراقه وأنا أبكي حسيت بالذنب اللي ارتكبته مع ولد عمي محمد واني سبب انقطاعه عن اهله..وهو كان مالي البيت عليهم ..
وانه هو يحبني وانا ما ابيهمضت سنين وسنين وأنا أكبر وهمي يكبر__طول هالفترة وأنا أتخيل شكله وهو راجع قلت يمكن يتغير وجهه هناك...مضت أربع سنوات وقربت رجعته للبلد..أنا شديت حيلي بالدراسه عشان أنسى همي
--------------------
جاء ذاك اليوم إللي وصلت فيه طيارته للبلد عند عمي عشى بمناسبة تخرجه طيار والكل ينتظر"محمد"أنا هنا كلي آمال أني أشوف واحد ثاني قلت يمكن أشوف قدامي"براد بيت"ولا"توم كروز"!! بشوف كيف صار هالطيار!!وأنا إللي اطل من الدريشه بشوف خشته يمكن تساوت هناك؟وقفت السيارة الكشخه عند باب عمي وينزل منها ذاك المسكب بشماغ وأناإللي يخفق قلبي ..ويلف وجهه على بيتناآلا هذي هي خشته ماتغيرت..لا وكبرانه بعد....!! دخل وسلم على أمي وأهلي جتني أمي تقول"محمد"يبي يشوفك ويسلم عليكقلتلها: يخسي..ماعندنا بنات ينشافون قبل الزفه!أمي:عيب عليك هذا زوجك أمشي لاتفشلينا مع الطيار.جت فكره في بالي¥¥وأنا أروح أتغطى وأدخل عليه وأمي معي وجلسنا بالمجلس وسكرت علينا الباب أمي وراحت..أنا خفت ورحت انخشيت ورى الكرسي يمه شفته قربلي صرخت وقلت:تكفى أنا مثل أختك تكفى يا "محمد" أعتق صراحي أنت الف بنت تتمناك ..حتى بنات عمي ميتين عليك"عاليه"و"سعاد" بس أنا قلت لهم بشاوره وأرد لكم..تكفى ياولد عمي وش قلت؟؟ حط الهدايا على ألأرض وعلامات الحزن على وجهه جاء بيطلع مسرع وأنا إللي أركض وراه وأنزل تحت عند رجوله ابي ابوسهم وأتوسل له يتركنيكنت أبكي بحرقه وأنا أقول:تكفى ياولد العم أتركنيوهو إللي يرفعني من على الأرض والدموع تملى عيونه ويقول بصوت خانقته العبره:تكفين يابنت عمي لاتبوسين رجولي..أنتي "أمل"مكانك فوق الراس مو تحت..لوتبين روحي أعطيك ياها بس إلا هالطلب يا"أمل"وهو إللي يبوس على راسي يطلع برى مسرع..
--------------------
رحت لغرفتي وأنا أتذكر شكل "محمد"وهو يبكي ..معقوله كل هذا يحبني!! بصراحه أنا صدمته حيل ..بس شسوي ماأبيه!!صحيح هو تغير حيل والكل لاحظ صاير على قولتهم جنتل مان..وكشخه وكل العيال يتعلمون منه وصاير لبق بالكلام ومثقف بزياده والكل يضرب له حساببس ياربي شسوي ماحبه حاولت أني أحبه بس ماقدرت! (يمكن لأني ماخذه المسأله عناد من يومي صغيره!؟؟)
--------------------
أنا حسبت أنه بعد موقفي راح يكرهني ويتركني بس للأسف!!بعدها جاني أتعس خبرسمعته!! جاني الخبر أنه حدد زواجنا بعد شهر! ! !وش قصده شكله بنتقم مني@@! لاأخاف الدعوه شكلها عناد!!قسم بالله ألف فكره جت في بالي عشان أنحاش من واقعي بس للأسف ماقدرت وصار إللي صار
--------------------
صحيت من تفكيري على صوت أمي..قربت مني ومسحت دموعي إللي على خدي..أمي: نامي حبيبتي بكرى وراك روحه للكوافيره بدري أنتي عروس لازم تريحين.. ~~~عروس!!؟؟ لاوالله كنكم موديني للمقبرهحاولت أنام بس ماقدرت ودموعي ماوقفت ..جاء الصباح ودخلو علي أخواتي يبون نروح للكوافيره أنا هنا كني بحلم ساكته وماأتكلم بس دموعي تنزل..طلعت من الكوافيره وكنت في غاية الجمال..كنت اطالع نفسي وأقول ياحسافتي على خشة "محمد"طبعاً رفضت اسوي زفه **جت اللحظه الحاسمه..زفتي عليه في القفص الذهبيمدري وش فيني جتني رجافه وأم الركب وقعدت أبكي وأصيح تكفون رجعوني!! أمي وأختي قعدو يهدوني أخوي طلع يبكي .أبوي جاء وباس على راسي وقال:الله يوفقكطالعت فيه وقلت:الله يسامحك طلع ابوي والحزن بوجهه كنت ماسكه يدين أمي بقوه وأرجف كنت أنتظر أخوف منظر بحياتي أنتظر لحظة دخوله علي~~دخل علي وأول مالمحت كشرته حامت علي كبدي..قربت من أمي وقلت: لاتتركيني له.جاء وسلم على أمي ومدري وش قالها وطلعت أنا بغيت أنجن يوم شفتها طلعت وقعدت أصوت:وين يمه؟؟طالع فيني وهو يضحك وقالي: أمك راحت خلاص أنتي ليطالعت فيه بحقد وقلت:تنكت أنت ؟؟قعد يضحك مره ثانيه وقال:ياحلو العروس المستحيه؟؟ وأنا أتلفت يمين ويسار أدور العروس المستحيه وأقول بدهشه: مصدق عمرك أنت .؟رح ناد أمي ماطالعت إلا قفل الباب وهو مبتسم سحب المفتاح وقلت الحين يبلعهوأول ماشفت الوضع كذا وانا أتلفت بدور لي شي بضربه براس قبل لايقرب...وأول ماشفته قرب وأنا أصرخ:أرجع موبحسن لك إذا قربت!وإللي قاهرني أنه فاطس ضحك يحسبني أمزح معه!!! فجاءه شال شماغه ونزل بشته..قلت إذا نزل ثوبه والله لصكه بالمزهريه!!جلس على الكنبه وهو يطالع فيني وعيونه تبي تاكلني! وأنا شكلي يضحك واقفه بالزاويه وأرتجف..@@طالع فيني وقال:تعالي طيب اجلسي هنا والله ماراح أقرب لك..رفضت وضليت جالسه بزاويه قالي وهو يضحك:إلا متى وأنتي كذا؟؟!ضلينا على هالحال لمدة ساعه كامله وهو مانزل عينه عني يطالعني بنظرات كانت كلها حب!!قام وقرب مني..وأول ماقرب حطيت يدي على وجهي وطلعت ذاك الكلام إللي كنت شايلته لليلة الزفه وأنا أقول:أنا ماحبك انا مابيك والله خذيتك غصباً علي والله بغيت أنتحر بس عشان ماأتزوجك..مافيه كلمة سب وهجاء ماقلتها بعد ماتعبت وسكت..طالعت فيه إلا هو منزل عيونه بالأرض ..رفع راسه وكانت نظراته مليانه حزن..قالي: أمل ...تدرين أنك أجمل أنسانه بهالكون؟؟!!قرب مني ..قلت الحين يضربني ..باس على راسي وطلع برى الغرفه مادري حسيت أني وحش وقتها بس والله غصباً علي ماأبيه..جو أمي وأخواتي عندي ضمتني أختي"هدى"وقالت:أن شاء الله عجبك أشوفه حيل مستانس ويقول لأبوي وأخوي أنكم جلستو تسولفون وتضحكون!استغربت!! بصراحه خفت أنه يعلم ابوي بكلامي بس الحمد لله ستر علي..ضلينا على هالحال لمدة طويله مانقرب لبعض ..إذا نمت بسرير نام هو على ألكنبه بصاله..وإذا شفته نايم على السرير قبلي..رحت ونمت بصاله..وأتفاجاء في الصباح إلا أنا علي السرير وهو بصاله!كنت أتحاشى الكلام معاه وهو حب يخليني على راحتي بس كان هو مايسكت يسولف وينكت وقصص ماتنتهي كنت بس اسمعه من دون ماأناقشه كانت سوالفه تجذبني بس أنا أبين له العكس..نظرات عيونه كانت تضعفني شوي..بصراحه تصرفاته جدا رائعه على عكس ماتوقعته!كل صباح أصحى فيه من النوم الاقي هديه على سريري منه..!هداياه فخمه مره أبن الحلال ماقصر معي بشي!بس قلبي هو إللي قصر! ! !
-------------
سافرنا شهر العسل ..مافيه مكان مارحنا له كل إللي في بالي شريته وهو يدفع وهو مبسوط.!! كان طول الوقت ماسكني ماحب يفارق يدي لحظه وحده! !ضلينا شهر هناك نتمشى وبعدين رجعنا..الكل يمثل قدام اهله انه سعيد وبالأخص هو!
---------
جاء ذاك اليوم الغريب!!إللي دق فيه جوال"محمد"كنت ماره من جنب الغرفه وانا اسمعه يتكلم بصوت عالي ويصارخ!والمفاجاءه كان يكلم بنت!واسمعه يقول:خلاص يا"نوال"انسيني!@~@ أنا هنا ماني مستوعبه!منهي المقروده إللي تكلمه !!حسيت عيوني حمرت معقوله تكون غيره؟؟!!!لا لا ماأظن..طلع هو قالي بيروح لصاحبه ونسى جواله''وأجي والاقي في جواله أكثر من خمسين مكالمه ورسايل حب وغرام وعتب كانت من رقم غريب على ماأظن من البنت نفسها! جواله مايسكت مكالمات ماحبيت اسأله لان مايهمنيفي يوم من الأيام كنا جالسين بصاله وكان معاه الاب توب جالس يستخدمه..دق جواله وقالي أنه العمل طالبينه فوراً!!نسى الاب توب مفتوح وأنا أقوم واجلس عليه والاقي إيميله مفتوح..كان معاه بالايميل بنات كثير@@قريت الرسايل في الوارد كانت كلها بنات يعتبون عليه وعلى غيبته والاقي رساله من وحده اسمها "نوال"كانت رسالتها حزينه..وكاتبه فيها:يامحمد راح أسوي المستحيل عشان ترجع لي@@أنا عصبت وشفتها متصله وقتها ودخلت عليها وقلت لها أني زوجته البنت تفاجاءت وماصدقت!طلبت رقم جوالها عشان أشوف وش سالفتها..وافقت وبدون تردد دقيت عليها..وردت على صوت وحده مره ناعم وقالت أنها"نوال"قلت لها وش تبين ب"محمد"؟؟قالت لي:من زمان وأنا أتمنى أكلمك أنا أحب"محمد"من يوم ماكنت أدرس بالخارج معاه سألتها:يعني شفتيه وتحبينه؟؟!قالت:إيه وأموت بعيونه قلتلها:متأكده شفتيه وتحبينه؟؟قالت:صوره مليانه عنديصحيح شكله مو حلو بس والله أنه يملك شخصيه رائعه وعنده صفات تميزه عن غيره .. البنات إللي كانو يدرسون معي كانو يموتون فيه@@قلت أنافي نفسي:سبحان الله !قالت لي:والله أني أحسدك انك زوجته قسم بالله أنك طايحه في كنز ومنتي داريه عنه ومنتي مقدرته!قلت لها وش دراك أنتي؟؟قالت:كان يقولي وحنا بالخارج أنه يحبك وحتى لماتزوج صرت آخذ أخباره من زميلنا"خالد"يقولي أنه يشكي له منك أنك ماتحبينه وكأنه مو متزوج!آمانه إذا زواجكم فاشل اطلبي الطلاق منه..وأنا راح احطه بعيوني!أنا هنا مت من القهر..وهالمره أظن أنها"الغيره"!!وأنا أقعد اسفل فيها وأحذرها أنها تبعد عنه..سكرت السماعه بوجهها وأنا كلي استغراب !منهي هذي إللي تحب"محمد"لهالدرجه ! قلت يمكن تكون شينه بعد هي ..ورحت ادور لها صور بالأيميل وأخيرا لقيت لها صورة حلوه حيل أحلى من الحلى !كنت أحسب مافيه وحده أجمل مني لين شفت صور"نوال"قلت ألاقيها فرصه وأزعل بيت أهلي واطلب الطلاقبس أكيد أبوي بيرجعني له قلت مالي إلا اسكت وأخليه أصلاً أنا ماأحبهرحت وفتحت إيميلي القديم وأتفاجئ والاقي"أحمد"متصل وهو بعد تفاجاء فيني لأني قطعت معاه لما تزوجت قعدنا نسولف مع بعض..هو للحين بالخارج وقالي أنه تزوج مرتين وطلق قال أنه مالقى وحده يحبها وأني مافارقت باله ولا لحظه!سالني عن أوضاعي وقلت له أني ماني سعيده قالي اطلبي الطلاق من زوجك وأنا راح أجي طوالي وأتزوجك استغربت منه..حط الفكره براسي.. أحمد كان حلم حياتي قلت بدور أقرب مشكله وبزعل واطلب الطلاق
--------------------
قعدت اراقب"محمد"وكنت دايم اتتبع وين يروح وين يجيكان دايم بالعمل ولا عند خويه "خالد"ولا عند أهله ولا أهلي..مايتعدى هالأماكن~~الين جاء ذاك اليوم إللي الاقي فيه الكارثه العضمى@@كان عندنا زواج..و"محمد"كان تعبان وجلس بالبيترحت أنا لزواج وكثير حريم ماأعرفهم جو وسلمو علي وكل وحده تقول هذي زوجة الطيار...جلست مع زوجة"خالد"خوي محمد ..كانت تشكي من زوجها لأنه كان راعي حريم وكله يكلم بنات..قالت لي أنتبه لزوجي لأن زوجها دايم يسولف لها عن البنات إللي مزعجين "محمد"وعن وحده اسمها"نوال"بنت تاجر يقول أنها مجنونه فيه قعدت تنصحني أني أنتبه لزوجي وحياتي وقالت أن محمد بايع كل الناس عشاني وأنا مو حاسه فيه!المهم مشيت من الزواج بدري دقيت على السايق ياخذ نيطول الطريق وأنا افكر بكلام زوجة"خالد"وافكر ب"محمد"حرام ليش أسوى فيه كذا..شفت عند باب بيتنا سياره غريبه وكان فيها سايق!دخلت طوالي للبيت وأشم ريحة عطر نسائي تعم البيت فجاءه اسمع صوت بنت تبكي@@ واسمع صوت"محمد"يصارخ عليهامشيت شوي شوي لين قربت من الصاله واطل شوي وأشوف بنت في غاية الجمال قاعده تبكي ومحمد يصرخ عليها:اطلعي من حياتي يا"نوال"عيب إللي تسوينه أنا متزوج وأحب زوجتي..وأنتي الف واحد يتمناك!!إي والله هذي اللي بالصور شفتهاأنا هنا فتحت الباب بقوه ودخلت عليهم"محمد"طارت عيونه فيني خاف أني أفهم الموضوع غلط البنت قاعده تطالع فيني بحقد وأنا أروح وأوقف قدام زوجيوأنا أصرخ عليها بقوه:اطلعي برى بيتي ياتافههقامت وطالعت فيني وقالت:أنتي ماتحبينه وش تبين فيه؟
قلت لها:إلا أحبه وأموت فيه -طارت عيون "محمد"عيب عليك أطلعي من حياتنا ياقليلة الآدب وتربيه
وتطلع من البيت بسرعه وهي تبكي طالع فيني وكان منحرج مره وقالي:مشكوره حبيبتيخليني أشرحلك الموقف ماحبيت اسمع منه ..صعدت لغرفتي وجمعت أغراضي قلت بزعل لبيت أهليوخذيت أغراضي ورحت لبيت أهلي. !سوى المستحيل عشان يرجعني..كل يوم يجينا ويقعد عندنا لصبح..فهمتني أمي السالفه وأخوي بعد ..بس أنا حاطه براسي زعلقعدت في بيت أهلي لمدة شهر..كانت تجيني زوجة"خالد"تقنعني أرجع وتكلمني عن محمد وكيف أنه أنجن لما تركت البيت!وحتى أخوي جالس يسولف لي عن محمد وكيف إذا جاء المجلس الكل يضرب له حساب لكرمه واخلاقه العاليه قالي:أمل لاتخسرينه مستحيل تلاقين واحد مثل أخلاقه~~أنا بصراحه قعدت من نفسي كثير وفكرت كثير وأخيراً توصلت أني ماراح الاقي واحد زيه وزي حبه لي يكفي أني أمشي رافعه راسي أن عندي زوج الكل يحترمه قعدت أتذكر الأشياء إللي يسويها لي وصبره علي..قلت مالي ألا أرجع ل"محمد" وحده ثانيه مايعرفها أبي أرسم الفرحه على وجهه أبي أعطيه ربع إللي يعطيني من حب ..ياالله وشو شعوره لما يشوفني أبادله الحب أكيد بينجن!! خلاص كافي عناد مستحيل ألاقي مثل قلب محمد أنا برجع له وراح أعيش حياتي معه وننسى إللي راح...بالأول حبيت افاجئه! !رحت ودقيت عليهرد بلهفه:هلا بحبيبتي ونور دنيتي-محمد . أنا أشتقت لك وأشتقت للبيت تعال خذني*~* أتفاجاء حيل محمد وكانه مو مصدق إللي يسمعه محمد:أمل من قلبك هالكلام؟؟!-من كل قلبي يامحمد سكر السماعه بوجهي@@ ماهي إلا دقايق إلا هو عند الباب يطوطقعدت أضحك يوم شفته..دقيت عليه أبتغلى شوي قلت له: تعال بكرى خذني اليوم ماني مستعده!محمد:وش يصبرني لبكرى خلاص حبيبتي براحتك بس بكرى من الفجر عندكفي الصباح..قعدت ولبست ملابسي ورحت معاه للبيت طول الطريق وهو مستانس ومهيص ومافك يدي كان ماسكها طول الطريق! !دخلت البيت وش منظر كأنه حلم بيتي كان مليان كله ورد كأنه حديقه من الداخل!والدباديب ماليه المكان وقلوب حب كان المنظر جداً رهيب .. نزلت دموعي من عيني مايستاهل إللي سويته فيه
ودخل بالغرفه و لبس بدله جداً أنيقه وراقيه ومسوي شعره على ورى ويبتسم لي أبتسامه عريضه..بس هالمره أبتسامته كانت حلوه مره
بس أنا لأول مره أنتبه لهلأول مره بحياتي يعجبني"محمد"@@قرب مني ومسك يدي وباس عليها وباس على راسي طبعاً سمحتلهجلس يعتذر لي ويسمعني ذاك الكلام الحلوجاب لنا عصير وجلسنا نضحك ونسولف وأنا مستحيه كأني عروس جديدهالمهم ماحسيت في نفسي إلا نايمه وصحيت باليل إلا أنا على الفراش..أستغربت مدري وش صار امسماطالعت إلا"محمد"داخل علي بالغرفه وهو طاير من الفرحه كانه مسوي أنجاز عظيم!!!قمت من النوم والصداع بيكسر راسيجاني وباس على راسي وكان لابس ملابس العمل قالي أنه بيسافر برى عنده دورة عمل يمكن يظل ثلاث شهور~~عورني قلبي للحين مابادلته الحب إللي كنت خاشته له..قربت يده من على فمي وبستها..هذي أول مره أبوس شي في "محمد" طارت عيونه من الفرحه مو مصدق إللي شافه!! ضمني مابغى يفكني وأنا مبسوطهودعني وراح والأبتسامه ماتفراق وجهه ودنيا مو واسعته من الفرحه! !لأول مره أحس بفقدانه بالبيت أشتقت له وشتقت لدلاله وحبه لي والله أحس أني أميره معاه!كان يكلمني دايم وهو بالخارج وأنا أتجاوب معاه وأحس أنه حيل فرحان وكنت أقوله نبي نسوي كذا وكذا إذا رجعتسبحان الله ماحسبت أني راح أتغير كذا! !كنت بوقتها أفكر إذا جتنا بنت شسميها وأذا ولد بعد شسميه؟؟في يوم من الأيام صحيت الصباح وكنت مره تعبانه..رحت للمستشفى جتني الدكتوره وهي مبتسمه وتقولي:مبروك أنتي حامل@@بغيت أنجن!! كيف وأنا عمري مانمت مع زوجي! !طلبت منها تتأكد..وتأكدت ليرحت لبيت أهلي وكنت خايفه أقول لأمي!قلت لها وهي إللي تزغرد من الفرحه..فهمتها أن"محمد"ماجاني قالت لي..أنه بعض المرات يحط لي منوم بالعصير لين أنامطيرت عيوني من العصبيه غش*~*دقيت عليه عشان أهاوشه وأول ماقلت له طار من الفرحه بغى يخش علي من السماعه..وقعد يضحك زي المجنون..قعدت أهاوشه وهو إللي يضحك ويقول:وش أسوي فيك بالله عليك تبين أشوف كل هالحلا قدامي واصبر! ! تراي ماسويتها كثير لأني عجزت أنومك..قعدت أضحك..وقلت له:هالمره مافيها منوم ..@@جلس يضحك وهو ماهو مصدق الكلام إللي أقوله كان يحسب ألأيام وليالي عشان يرجع ويشوف وحده ثانيه ضلينا كل يوم نكلم بعض وندور اسماء لعيالناهو قال إذا ولد يبيه "سعد" وأنا إذا بنت بسميها"منيره"
--------------------
قعدت افكر بحياتي الجايه وبطفلي إللي ببطني..بهذا الوقت دق جوالي إلا رقم غريب ورديت إلا صوت رجال..وتفاجئت إذا هو "أحمد"!!!-هلا أحمد ..لأول مره اسمع صوته بالتلفونجلس يسولف معاي ويسولف عن نفسه وأنه رجع الحين للبلد وفاتح له أكبر شركه في البلده! !جلسنا نكلم بعض كل ليله وهو يقولي كلام حب ضلينا للمدة شهرين نكلم بعض ~~وفي يوم من الأيام جلس يكلمني عن زواجي وقالي لازم أطلب الطلاق منه..والولد إللي في بطني راح يعيش معنا ويحافظ عليه وعلي جيت بقوله باحتقار تبي تحافظ علي زي محمد أو بتحبني زي حبه!!سالته وأنا بشوف نواياه: يعني أنت تبيني من يجي محمد أتهاوش معه وأزعل بيت أهلي واطلب الطلاق وأتزوجك؟؟>>فجاءه اسمع صوت شي وراي يطيح على الأرض!!والتفت وراي إلا"محمد" واقف وراي وكان يسمعني طول المكالمه...سكرت التلفون وفزيت بسرعه قط الهدايا إللي معاه على الأرض وكانت عيونه تشتعل جمر..طلع فوق للغرفه وسكر الباب كنت خايفه مره وأرتجف مدري شسوي لأنه أكيد سمع كل المكالمه..حبيت أوضح له أن كنت أكلمه بس كذا قسم بالله بدون شعور..بس وش أوضح ووش أقول يكفي أنه سمعني ضليت طول الليل وأنا سهرانه لين طلع الصبح..كان نازل من فوق فزيت من شفته..جيت أبي أتكلم معه بس عجزت تلعثمت وهو جلس ساكت ينتظرني أتكلم بس أنا عجزت مدري شقولجلس على الكنبه إللي قدامي وقال:اسمعي يا"أمل" أنا صبرت معاكي كثير وتحملت عشانك الكثير وسويت لعيونك المستحيل خليتك ماتحسين فيه شي ناقص عليك__بعت الناس كل أبوها وشريتك تعرض علي مغريات يوميا وأصدها من أتذكر عيونك__متزوج سنه كامله ولا كاني متزوج سكت وقلت يمكن مع الأيام تتسنع ..بس للاسف تعبي راح فاضي...كل شي أتقاضى عنه يا"أمل"إلا أنك تخونيني__ومع مين؟؟؟كل شي أتوقع تسوينه إلا أنك تخونيني __تكرهيني ماتحبيني بس ماتخونيني نزلت الدموع من عينه وقال:أمل..أنتي ماحفضتي غيبتي!وماأحترمتيني بعد ماجمعت قواي تكلمت وقاطعته:محمد أنت فاهم الموضوع غلط محمد:سمعتك وانتي تتفقين معاه وتقولين بروح بيت أهلي واطلق وأتزوجكصرخت بعالي صوتي: لا لا يامحمد أنا ماقصدت كذاحط يده على فمي وقال:مابي اسمع منك شي أنا فاهم وش تبين وصدقيني راح أحققه لكرحت لبيت أهلي بسرعه وأنا مدري وش بيصير.. أختي كانت عندهم دخلت عليها وأنا أبكي وقلت لها وش صاروفهمتها أنه ماكان أقصد يوم قلت تبيني أروح لبيت أهلي واطلق وأتزوجك..قسم بالله أني بعدها بقوله مستحيل يصير هالشيبس بكلا الحالتين أنا غلطانه مجرد أني سمحت لنفسي أكلم رجل غريب وأنا متزوجه هذي أكبر خيانه من بكرى الصباح صار الشي إللي طول عمري ماراح أتوقعه! !!جانا على البيت ورقه ..تدرون وش هالورقه؟؟؟؟؟؟؟؟؟؟>>>كانت ورقة طلاقي!!!!!! تصدقون ولا لا؟؟أمي قاعده تصيح وأخوي وأبوي معصبين وأنا ماني مستوعبه إللي صار! ! صحيح أنا غلطت حيل وماحفضت غيبة زوجي واستاهل إللي صار لي طلقني بسكات وحتى ماخبر أهله ولا أهلي باللي صار ستر علي ..!!قعدت أبكي بحرقه وألوم نفسي ..تخيلو هذا الشي إللي طول عمري أتمناه أني أطلق من محمد..ولما تطلقت بغيت أموت "محمد" طلع للخارج على طولحاولت أدق عليه __بس جولاته مقفله.!الكل مستغرب ومندهش حتى أهله كانو يسألوني عن السبب وأنا ساكته مدري شقول لهم!!ضليت طول فترة حملي ماني مستوعبه طلاقي!!!لين جاء ذاك اليوم اللي جتني فيه الولاده جبت ولد زي القمر وسميته"سعد"زي ماكان يبيه أبوه تفاجئت بالصباح في بوكيه ورد بغرفتي مكتوب عليه محمد!!!طلعت من المستشفى وكان أبوه يجي كل شهر من الخارج يسلم عليه ويعطيه فلوس من دون مايسأل عني!! مضت سنه كامله..وجاني أبوي وقالي فيه خطيب جايك وتفاجاءت من يكون؟
كان"أحمد"!!!@@ماكنت مصدقه! وأهلي وافقو طوالي...كنت فرحانه حييل! هذا حلم حياتي!!!هذا الشخص إللي كنت أتمناه سوينا الفرح مستعجل وولدي خليته عند أمي__كان الفرح بسيط وعادي__ سافرنا من ثاني يوم للخارج كنت فرحانه وأنا جنبه لأن هذا الشخص إللي كان حب حياتي !!كنت فرحانه وأنا أتمشى معه..لأنه كان وسيم مره والكل يطالع بجماله__ هذا الجمال إللي كنت أحلم فيه!!€بس تدرون....!'؟ياالله ماتتصورون وش كثر انصدمت فيه!من ثاني يوم كنا بالخارج ظل سهران برى البيت ماجاني إلا الصباح وهو سكران ..بغيت أنجن توني عروس يجيني كذا؟؟لماصحى من سكره ناقشته وصرخت عليه وقالي أنه غشوه بالمقهى ياالله وش كثر كان أنسان تافه وحقيرضلينا أكثر من شهرين هناك على هالحال سكر بالليل ونوم كل الصباح..غير البنات إللي كنت أشوفه معاهم وكنت ساكته وأتحملوهو مايطلعني بس حاشرني بالفندق__ضاق صدري حيل أشتقت لهلي ولولدي "ياسر" قعدت أبكي من الحرقهطلعت برى الفندق بغير جو ولقيت برى مجموعه من الأشخاص وكانو يتكلمون سعودي..وكان معاهم شاب شكله أنيق من بعيد قربت منه بسأله شلون أرجع لديرتي؟
لف علي وكانت الصدمه أنه كان "محمد" ! ! !ياالله تمنيت أضمه والله وأقوله رجعني يا"محمد"
واصير خدامه لك تحت رجولك..
تمنيت اقدر طالع فيني وهو مستغرب: أمل !!!بكيت طوالي من نطق بأسمي مسك يدي وخذاني للمقهى سألني :وش فيك ليش تبكين؟؟مسحت دموعي وماحبيت أقوله! سألني عن سعد"قال أنه توى جاء من ديرتنا كان عندهسألني إذا كنت سعيده؟؟
وجاوبته دموعي الحزينه على خديعطاني رقمه وقالي إذا أبي شي أدق عليهرحت للفندق وسويت المستحيل عشان نرجع لديرتنا..ورجعنا أنا وأحمد وكان متضايق من رجعتناجبت طوالي"سعد"عندي وكان متضايق من وجوده معانا ..وأكثر من مره الاقيه يضربه حياتي كأنها جحيم ماذقت طعم السعاده معاه..كان بخيل حيل مع أنه كان قادر فلوسه تروح على الخمر والحريم..الكل يشكي منه في الحاره أخلاقه فاسده ولا يحترم أحدمايهتم فيني وأكثر من مره الاقيه يكلم بنات وأنا عنده يقولي هذولي صديقاتي بس ..ماكان ودي أروح لبيت أهلي وأصير مطلقه للمره الثانيه حاولت اسنعه بس ماقدرت كان قاسي يضربني أنا وولدي جاء مره وقال نبي نروح للخارج ورفضت بس هو غصبني ورحت معاه بالغصبكان بيروح هناك عشان الخمر المتوفر والحريم المتوفرات..وخذاني معه عشان متى ماصحى من سكره كمل عليتخيلو مره دخل علي خويه وبغى يعتدي علي لوماالحارس موجود كان رحت ضحيتهوأول ماجاء قلت له وصرخ علي وقالي أن هذا رئيسه بالعمل المفروص ماعلمت عليهقلت له يعني ترضى أنه يجيني قال:لا بس المفروض تحلينها بالعقل
مو تبلغين عنه .قعدت أبكي على حالي..وتذكرت "محمد"وكيف كان يحافظ علي بس أنه سمعني أكلم طلقني لأنه مارضاها لنفسهظل يومين ماأدري وينه فيه!وأخوياه يطقون الباب علي وأنا أرتجف وأبكي ومقفله الباب ومااطلعهنا قلت مالي إلا"محمد" قلت يارب أنه يكون موجود دقيت والحمدلله رد-الو محمد؟-إيه أنا محمد!أنتي أمل؟؟وقعدت أبكي وأقوله الحقنيدقايق إلا هو يطق علي باب الغرفه فتحت له وأنا أبكي تمنيت أضمه ..حكيت له كل إللي صار ...فار الدم بعروقه قالي اجمعي أغراضك ويلا معي برجعكوأنا طالعه إلا أشوف"أحمد" راجع! شافني مع"محمد"وهو إللي يتهجم عليه بيضربه ..وماقصر "محمد"ضربه ضرب لين ماصار دمه يملى المكان خذاني بسرعه ورجعني لديره..رحت لأهلي وقلت لهم وش صار وثار الغضب فيهم وقالو من يرجع نبي نطلق منهمن بكرى رجع "أحمد"لديره وحاول يرجعني بس ماقدر رفض يطلقني واهلي يحاولون فيه بس كان معند__
--------------------
وفي يوم مشؤم..طلعنا أنا والوالد بالسياره نبي نروح للمحكمه نبي نرفع قضية طلاق ..إلا تفاجاءنا بـ"أحمد" ورانا بسياره وكان مسرع ورانا أبوي أسرع ما يبي يتفاهم معه اللى عند الشيخ وهو إللي يحده يبي يوقفه__بس أبوي لف السياره عنه وانقلبت فينا! !~~صحيت بالمستشفى على صوت الأجهزه وكنت كلي أجهزه دخلت علي الممرضه وسألتها عن أبوي..قالت أنه بخير ..دخلو علي أمي وأخواني وكانو يبكون ..طمنوني على أبوي أنه بخير.. سالو الطبيبه عن حالي , وقالت الحمد لله لقينا كليه مطابقه لكليتك..!فهمت منها أن كلاي ماعادت تشتغل وأني ضليت ثلاث أيام في غيبوبه وقاعدين يدورون عن كليه مطابقه لي لين جاهم واحد متبرع..سوو العمليه على طول لأنهم خايفين على حالتيالحمد لله نجحت العمليه بسلام وصحيت ألا أهلي كلهم عندي و"سعد"ركض وقفز على فراشي وضمني..ياالله خفت أني ماشوفه! ! !بصراحه كنت مستغربه ليش "محمد"مو معاهم كنت أتوقع أول ماأقوم الاقيه قدامي!!!ضليت بالمستشفى فتره ورجعت للبيت ..وكانت المفاجاءه مع أخوي ..ورقة طلاقي من "أحمد" ماتتصورون وش كثر فرحت أخيرا افتكيت من الكابوس آللي كنت عايشته...كنت اسأل عن"محمد"طول الفتره وقالو لي أنه تعبان مره وماخذ أجازه من العمل__
----------------------------
خلصت فترة العده..وأنا مستانسه حيل بفراق "أحمد" رحت وطلعت مع أخوي ومشاني أناو"سعد"يوووه من زمان ماتمشيت .. سالت اخوي عن"محمد" وقالي أنه مره تعبان وكله بالمستشفى..خفت عليه حبيت أزوره بس خفت من الكلام علي!
--------------------
في يوم من الايام دخل علي أبوي وكانت الفرحه بوجهه..قالي: أمل ..جاك خطيب استغربت أنا منهو إللي جايني قال: محمد يا بنيتي ! ! !كأني بحلم! ! ماني مصدقه! معقوله!!أهلي خلو الشور لي ماتدخلو بشي __ بس أخوي كان رافض بشده..استغربت من أخوي!! قالي أن"محمد" تعبان مره وكله بس بالمستشفيات وهو مايقدر على الزواج فيه خطر علي حياته!! دموع أخوي كانت تنزل وأنا بعد كنت مندهشه ودموعي تنزل !! محد قالي أن حالته بهالسوءطلبت من أخوي أنه يخليه يجي ونسأله عن حاله؟؟جانا من بكرى وكان وجهه مره تعبان__خلانا أخوي أنا وياه مع بعض لحالنا ومعنا"سعد"سألني إذا كنت موافقه عليه سالته:إذا كان هو فعلا يبيني؟؟
جاوبني وقال:والله يا"أمل"..حاولت أنسى ونقلت عملي بالخارج عشان أنساك بس ماقدرت وزواجك من"أحمد"..والله تمنيت لك السعاده معاه بس للأسف طلع مايستاهلك وسويت المستحيل لين جبت ورقتكوالحين يا"أمل"خليني أعيش مابقى من أيام عمري بحضنك وانسى إللي راح-أمل أنتي موافقه علي؟؟؟دموع الفرح إللي على خدي جاوبته
--------------------
سوينا الفرح عائلي وكان بينا"سعد"ذيك الليله من أروع أيام حياتي وأنا أقضيها مع أروع انسان بالدنيا قضينا طول الليله مانمنا كل واحد يطالع الثاني بحب والحب يحتويناتفاجئت وأنا أمسك شي في جنبه غريب ..فتحت المبه وشفت مكان عمليه في جنبه سالته بإستغراب عنها.. ضحك وقالي: عادي بقلدك...هنا أنا شكيت أنه هو إللي تبرع بكليته ليوحلفته بالله وبعد أصرار..أعترف أنه هو من تبرع لي@@ضميته بقوه وتمنيت مافكه قعدت ابكي على صدره وأعتذرله عن كل شي وهو مستانس ويضحك..حط راسي على راسه وقال: أمل أنتبهي ل"سعد" وأنتبهي لنفسك قعد يقولي هالكلام وكأنه يودعني سكته وقعدت أسولف له عن الأيام الجايه وش راح نسوي ..بس كان يطالعني ودموعه تنزل!!!!!!
--------------------
صحيت الصباح وكان من أروع الصباحات في حياتي..ولقيت محمد صاحي قبلي والاقيه واقف عند السرير ينتظر أقوم .. قمت وبسته وكان وجهه مره تعبانقالي أنه بيروح للمستشفى ويرجع قالي صحي "سعد" بوديكم مكان مفاجئه!!ودعني وطلع وكان وجهه مشرق رحت وصحيت "سعد"ولبسته وجلسنا ننتظر "محمد" بلهفه وشوق هذا أول يوم نطلع فيه كلنا مع بعض!تأخر محمد ساعه وساعتين وثلاث!! أدق عليه ومايردمادري شسوي أذن الظهر ماجاء وأدق على أهلي مايردونماهي إلا دقايق إلا يدخل علي أبوي..كان وجهه يبكي قلبي عورني..سألته إذا أمي ولا أخواني فيهم شي؟؟قالي: يا بنتي أنتي مؤمنه بقضاء الله وقدره خليك قويه يابنتيصرخت بصوت عالي: مين مين يا يبه؟؟؟-محمد زوجك يابنتي عطاك عمره!!!!!:( اسودت الدنيا بوجهي...مات محمد ماتقعدت أبكي وأصارخ زي المجنونه لا لا لا لا أبي محمد لا لا لاجوني أهلي حاولو يهدوني بس فقدت عقليقاعده أقول:لا أصلاً هو راح شوي وبيرجع حتى شوفوني أنا و"سعد"لابسين!!تكفى يبى رجعوه لي رح قله أمل وسعد ينتظرونكعطوني مهدآت بس كل ماصحيت وتذكرته بديت أبكي وأصارخ...قلت لازم أروح وأشوفه..وداني أخوي لهودخلت بغرفه صغيره بالمستشفى..شفته ممدد على سرير وكان وجهه أبيض ومنور ..قربت منه وأنا أرتجف وابكي..لاول مره أشوف منظره كذا!! كان ممد ولايتحرك كان منظره يخوف ضميته بقوه أحاول أصحيه قلت يمكن أسوي معجزه وأصحيه بس للأسف كان جثه هامده!!قعدت أحرك يده وأقول:محمد شوفني أنا أمل حبيبتك بجنبك يلا أنا وياسر ننتظرك يلا قوم قوم..يوم شفته مايتحرك وأنا أصرخ بعالي صوتي:محمد~~~~~~~(راح محمد راح أطهر قلب بهالدنيا راحت الضحكه بدنيا راح الحب راح الكرم راحت الرجوله والوفاء راح الذي ماخلى وراه إلا الحزن والذكريات الحلوه راح الذي طول عمري وأنا أبكيه .. راح محمد وخلاني بهالدنيا لحالي.. راح بس أهداني أحلى شيين بدنيا ماأتكلم عن الفلوس وعن العمارات إللي ورثتها منه.!! أتكلم عن أروع شيين أهداني إياهم..هم سعد ولدي وكليته إللي في داخلي..الكل بكاه من كبير وصغيرحضر العزاء ناس كبار جداً وناس معروفه بالبلد الكل جاء وعزاني وسلم على ولدي... رافع راسي حتى بعد موته ,,,,,عرفت أنه بعد ماتبرع لي بكليته تعب لان كليته الثانيه ماتشتغل..خاطر بحياته عشاني !!! هذا إللي تعبني حيل كل ماتذكرت تضحيته قعدت أبكي بحسره!
--------------------
قعدت فتره الحداد في بيتي ولقيت في يوم من الأيام رساله في درج..وأكتشفت أن محمد كاتبها قبل وفاته كان كاتب فيها:حبيبتي"أمل" أنا قاعد أكتب هالرساله وانا مادري متى بتقرينها كتبتها في صباحيتنا أنا ياأمل خلاص حالتي تعبت ومافيه أمل لشفائي أنا قدمت لك كليتي السليمه وضليت في التعبانه بس عشان أعيش معك مابقى من حياتي سعيد..بس حالتي سائت وعلاجي صعب ومابقي إلا أيام معدوده ومدري متى أنتقل لرحمة الله تدرين أن هاليوم إللي عشته معك في حب وأشوف الحب في عيونك من أروع أيام حياتي خلاص يكفي هالشعور إللي عشته وأشكرك من كل قلبي على لحضات الحب إللي منحتيني إياها أمل تكفين أنتبهي ل"سعد"ولنفسك تراني وأعذريني يابنت العم إذا قصرت معك في شي واسمحيلي بالرحيل مع أن ماودي بس هذا حال الدنيا كلنا راحلينمحبك الأبدي:محمد~تمنيت إني ماقريت الرساله من قريتها وأنا ماتجف الدموع من عيني!قعدت شهور وسنين حاولت أنساه بس ماقدرت حيل تعبت كل ماشفت ولدي سعد وطالعت بعيونه تذكرت المرحوم الفقيده (محمد)..وتذكرت ضحكاته
--------------------
انتظر ردودكم

دمتم بكل خير
الرجوع الى أعلى الصفحة اذهب الى الأسفل
شروق الامل
...انا والله مانسيك...
...انا والله مانسيك...
شروق الامل


انثى
العمر : 39
الموقع : ظلمني زماني
العمل/الترفيه : ادوي جروحي
المزاج : الالم وتعب
تاريخ التسجيل : 30/08/2008
هل انت من موالي؟؟ : لا شك بذلك
علي كل حياتي
مزاجك اليوم : قصة امل وابن عمها محمد 8010
المهنه : قصة امل وابن عمها محمد Player10
mms : قصة امل وابن عمها محمد OOD15062

قصة امل وابن عمها محمد Empty
مُساهمةموضوع: رد: قصة امل وابن عمها محمد   قصة امل وابن عمها محمد Icon_minitime3/11/2010, 10:48


يسلمووووووو
الرجوع الى أعلى الصفحة اذهب الى الأسفل
https://aceralrooh55.yoo7.com
روح سنابس
اسير مبتدئ
اسير مبتدئ
روح سنابس


انثى
المزاج : رايقة
تاريخ التسجيل : 10/02/2010
هل انت من موالي؟؟ : نعم بلا شك
مزاجك اليوم : قصة امل وابن عمها محمد 8110
المهنه : قصة امل وابن عمها محمد Studen10
mms : قصة امل وابن عمها محمد 1172326545

قصة امل وابن عمها محمد Empty
مُساهمةموضوع: رد: قصة امل وابن عمها محمد   قصة امل وابن عمها محمد Icon_minitime3/28/2010, 22:40

يسلمو ..
الرجوع الى أعلى الصفحة اذهب الى الأسفل
روح شروق
اسير فعال
اسير فعال
روح شروق


انثى
المزاج : لا يأس مع الحياة
تاريخ التسجيل : 04/02/2010
هل انت من موالي؟؟ : بالطبع
مزاجك اليوم : قصة امل وابن عمها محمد 2210
المهنه : قصة امل وابن عمها محمد Profes10
mms : قصة امل وابن عمها محمد KiNG-amniaTe

قصة امل وابن عمها محمد Empty
مُساهمةموضوع: رد: قصة امل وابن عمها محمد   قصة امل وابن عمها محمد Icon_minitime3/31/2010, 06:56

تحياتي للجميع
الرجوع الى أعلى الصفحة اذهب الى الأسفل
 
قصة امل وابن عمها محمد
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات اسـير الـروح :: ♥ஓ♥ ْ اســـير الأدبيـ والشعريـ ْ ♥ஓ♥ :: ¨°•√♥اسير اجمل القصص♥√•°¨-
انتقل الى: